ކޮވިޑުން ޝިފާ ލިބުނު މީހުންގެ އަަދަދު 30 އަށް އަރައިފި

ކޮވިޑުން ޝިފާ ލިބުނު މީހުންގެ އަަދަދު 30 އަށް އަރައިފިއެވެ.

Ads by STELCO

މިރޭ ބޭއްވި ނޫސްވެރިންގެ ބައްދަލުވުމެއްގައި ޑރ.އިބްރާހިމް އަފްޒަލް ވިދާޅުވީ މިއަދު ބަލިން ރަނގަޅުވެފައިވަނީ ކޭސް 86 ކަމަށެވެ. އެއީ އުމުރުން 31 އަހަރުގެ ދިވެހި ފިރިހެނެކެވެ.

މި މީހާއާއެކު ރާއްޖެއިން މި ބަލިން ފައްސިވި މީހުންގެ ތެރެއިން، ބަލިން ރަނގަޅުވި މީހުންގެ އަދަދު މިހާރު ވަނީ 30 އަށް އަރާފައެވެ.

މީގެތެރޭގައި ހިމެނެނީ 17 ދިވެހިންނާއި، 13 ބިދޭސީންނެވެ.

ރާއްޖެއިން މިހާތަނަށް 835 މީހަކު ފައްސި ވެފައިވާއިރު، މީގެތެރޭގައި ހިމެނެނީ 279 ދިވެހިންނާއި 556 ބިދޭސީންނެވެ.

ރާއްޖެއިން ބައްޔަށް ފައްސިވި މީހުންގެ ތެރެއިން 30 މީހުން ބަލިން ރަނގަޅުވެފައިވާއިރު، ތިން މީހަކު ވަނީ މަރުވެފައެވެ. އޭގެތެރޭގައި ހިމެނެނީ ދެ ދިވެއްސަކާއި ބިދޭސީ އެކެވެ.