މިއަދު ފައްސިވި މީހުންގެ ތެރޭގައި 5 އަހަރުން ދަށުގެ ކުޑަ ކުއްޖެއް ހިމެނޭ!

މިއަދު ފައްސިވި މީހުންގެ ތެރޭގައި 5 އަހަރުން ދަށުގެ ކުޑަ ކުއްޖެއް ހިމެނޭ ކަމަށް ޑރ. އިބްރާހިމް އަފްޒަލް ވިދާޅުވެއްޖެއެވެ.

Ads by STELCO

މިހާރު ކުރިއަށްދާ ނޫސްވެރިންގެ ބައްދަލުވުމެއްގައި ޑރ. އަފްޒަލް ވިދާޅުވީ މިއަދު ރާއްޖެއިން 45 ފައްސި ކޭސް ފެނިފައިވާއިރު، އޭގެތެރޭގައި އުމުރުން ހަތަރު އަހަރުގެ ފިރިހެން ކުއްޖަކު ހިމެނޭ ކަމަށެވެ.

މިއަދު ފައްސިވި 45 ތެރޭގައި ހިމެނެނީ ބަންގްލަދޭޝްގެ 22 މީހަކާއި، 20 ދިވެއްސަކާއި، ނޭޕާލްގެ ދެ މީހެއްގެ އިތުރުން އިންޑިއާ މީހެއް ކަމަށެވެ.

މި 45 މީހުންނާއެކު ރާއްޖެއިން މި ބައްޔަށް ފައްސިވި މީހުންގެ އަދަދު މިހާރު ވަނީ 835 އަށް އަރާފައެވެ.

ރާއްޖެއިން ބައްޔަށް ފައްސިވި މީހުންގެ ތެރެއިން 30 މީހުން ބަލިން ރަނގަޅުވެފައިވާއިރު، ތިން މީހަކު ވަނީ މަރުވެފައެވެ.