ރެސިޕި: ކަލްޒޯން
ބޭނުންވާ ތަކެތި
400 ގ ފުށް
1 މސ އީސްޓް
300 މލ ފެން
ތެޔޮ
250 ގ ކުކުޅު (ކުދިކޮށް ކޮށާފައި)
4 ލޮނުމެދު (ޗިސްކޮށްފައި)
100 ގ ފިޔާ (ކުދިކޮށް ކޮށާފައި)
½ ސސ އަސޭމިރުސް
ލޮނު
200 ގ މޮޒަރައްލާ ޗީޒް
ޕިއްޒާ ސޯސް
ޗިލީ ގާލިކް ސޯސް
ތައްޔާރުކުރާނެ ގޮތް
ފުށް ފުރޭނުމަށްފަހު އީސްޓް، ލޮނު، ތެޔޮ އަދި ފެން އަޅައިގެން މޮޑެލާފައި ގުޅަޖަހާފައި ބަހައްޓާށެވެ. އަދި 4 އިންޗި ބޮޑުމިނުގައި ފުށްގުޅަ ދަމާލާފައި ރޮށީގައި ލޯވަޅު އެޅާލާފައި ބަހައްޓާށެވެ. ދެން ތެޔޮފޮދުގައި ލޮނުމެދު މީރުކޮށްލުމަށް ފަހު ލޮނުމެދު ކުޑަކޮށް ރަތްވުމުން ފިޔާކޮޅު އަޅާ ފިޔާކޮޅު ކުޑަކޮށް ވަޅޯވުމުން ކުކުޅުކޮޅު އަޅާލާށެވެ. އެއަށްފަހު އަސޭމިރުސް، ޗިލީ ގާލިކް ސޯސް އަޅާލާފައި ރޯފިލަންދެން ކައްކާލުމަށް ފަހު ލޮނު ހެޔޮވަރު ކޮށްލާށެވެ. ދެން ދަމާފައި އޮތް ފުށްކޮޅު މަތީގައި ޕިއްޒާ ސޯސް ފުރަތަމަ އުނގުޅާލުމަށް ފަހު ކުރިން ތައްޔާރު ކުރި ކުކުޅުކޮޅު މައްޗަށް އަޅާ ލުމަށް ފަހު މޮޒަރައްލާ ޗީޒް އަޅާ ކަލްޒޯން ބައްދާލާނީއެވެ. ދެން އަވަނުން ފިހެލާށެވެ.
