އިތުރު 27 މީހުން ފައްސިވެ، ޖުމްލަ އަދަދު 862 އަށް

ކޮވިޑް19 އަށް އިތުރު 27 މީހުން ފައްސިވެއްޖެއެވެ. އެއާއެކު ރާއްޖެއިން ފައްސިވި މީހުންގެ ޖުމްލަ އަދަދު ވަނީ 862 އަށް އަރާފައެވެ.

Ads by MWSC

އެޗްޕިއޭ އިން ދާދި ދެންމެއަކު ކުރި ޓްވީޓެއްގައި ބުނެފައިވަނީ މިއަދު 01:00 އާ ހަމައަށް ފައްސިވި 27 މީހުންގެ ތެރޭގައި ހިމެނެނީ 18 ބަންގްލަދޭޗް މީހުންނާއި 9 ދިވެހިން ކަމަށެވެ.

ރާއްޖެއިން ޖުމްލަ 862 މީހުނަށް ބަލި ޖެހިފައިވާއިރު މީގެތެރޭގައި ހިމެނެނީ 288 ދިވެހިންނާއި 574 ބިދޭސީންނެވެ. ބިދޭސީންގެ ތެރެއިން މިހާތަނަށް އެންމެ ގިނަ މީހުން ފައްސިވެފައިވަނީ ބަންގްލަދޭޝް އިންނެވެ. އެގޮތުން ބަންގްލަދޭޝް ގެ 478 މީހުން ވަނީ ވައިރަހަށް ފައްސިވެފައެވެ،

ރާއްޖެއިން ބައްޔަށް ފައްސިވި މީހުންގެ ތެރެއިން 30 މީހުން ބަލިން ރަނގަޅުވެފައިވާއިރު، ތިން މީހަކު ވަނީ މަރުވެފައެވެ. އޭގެތެރޭގައި ހިމެނެނީ ދެ ދިވެއްސަކާއި ބިދޭސީ އެކެވެ.