ރެސިޕީ: ގާރލިކް ޕެންނެ ޕާސްތާ
ބޭނުންވާނެ ތަކެތި:
1 ޕެކެޓް ޕެންނެ ޕާސްތާ
2 މޭޒުމަތީ ސަމުސާގެ ބަޓަރު ނުވަތަ މާޖެރިން
2 ފިއް ލޮނުމެދު ( މުގުރާލާފަ)
2 މޭޒުމަތީ ސަމުސާ ފުށް
4/3 ޖޯޑު ފެން
4/3 ޖޯޑު ކިރު
3/1 ޖޯޑު ޕާމެސަން ޗީޒް ގާނާފަހުރި ( ފެކެޓްގައި ހުންނަ ޕައުޑަރވެސް ބޭނުން ކުރެވިދާނެ)
ރަހަލާވަރަށް ލޮނު އަދި މުގުރި އަސޭމިރުސް
ތައްޔާރު ކުރާނެ ގޮތް:
ޕާސްތާ ޕެކެޓުގައިވާ އިރުޝާދާ އެއް ގޮތައް ކައްކާލާށެވެ. ބަޓަރު ކޮޅު ތަވައެއްގައި ހޫނު ކޮށްލެއްވުމަށް ފަހު ލޮނުމެދު ކޮޅު އަޅާލާށެވެ. ލޮނުމެދު ކޮޅު ލައިޓް ބުރައުން ކުލަ އަރަންދެން މީރުކޮށްލުމަށް ފަހު ފުށް ކޮޅު އަޅާލާށެވެ. ފުށްކޮޅާ ލޮނުމެދު ކޮޅު އެއްކޮށް ލުމަށްފަހު ފެން އަދި ކިރު އަޅައި ރަނގަޅަށް ހަލުވާލާށެވެ. ސޯސްކޮޅު ރަނގަޅަށް ކެކެން ފެށުމުން ކައްކާފަ ހުރި ޕާސްތާ ކޮޅު އަޅާލާށެވެ. ރަނގަޅަށް އެއްކޮއްލުމަށްފަހު ޕާމެސަން ޗީޒް އަޅުއްވާ އެއްކޮއްލާ، ނިންމާލަމުން ލޮނު އަދި މުގުރި އަސޭމިރުސް ކޮޅެއް އަޅާ ރަހަ ހެޔޮވަރު ކޮށްލާށެވެ.
