"މިއުޒިކް ހަމަ ހަރާމްތަ؟" ޝެއިޚް ސަމީރް ގެ ޚާއްސަ ދަރުހެއް މިރޭ
މިއުޒިކް ހަމަ ހަރާމްތަ؟" މި ނަމުގައި ޚާއްސަ ދަރުހެއް ބޭއްވުމަށް ޖަމިއްޔަތުއް ސަލަފް އިން ނިންމައިފިއެވެ. މި ދަރުސް އޮންނާނީ މިރޭ 10:00 ގައެވެ.
ޝެއިޚް އަހުމަދު ސަމީރު ދެއްވާ މި ދަރުސް ގެނެސްދިނުމަށް ޖަމަޖެހިފައިވަނީ ޖަމިއްޔަތުލް ސަލަފް ގެ ޔޫޓިއުބް މެދުވެރިކޮށް ލައިވް ކޮށެވެ.
ރާއްޖޭގެ މިއުޒިކީ ދާއިރާގައި ވިދާލި އެތައް ފަންނާނުންނެއް ވަނީ އާހިރަތަށްޓަކައި މިޔުޒިކުގެ ހަޔާތް ގުރުބާންކޮށްލައި ލަވަ ކިޔުމާއި މިއުޒިކާއި ދުރަށް ގޮސްފަ އެވެ. މިއުޒިކަށް ކިތަންމެ ބޮޑު ހިތެއް ޖެހިފައިވީނަމަވެސް އެކަމަކީ އިސްލާމްދީނުގައި ހަރާމް ކަމެއްކަމުން މި ތަރިން ވަނީ މިއުޒިކާ ދުރަށް ޖެހިލާފަ އެވެ.
އެންމެ ފަހުން މި ދާއިރާއާ ދުރަށް ދިޔަކަން ހިއްސާކުރި އެކަކަކީ މޯލްޑިވިއަން އައިޑަލްގެ ސީޒަން އެކަކުން ގިނަ ބައެއްގެ ލޯބި ހޯދި މުހައްމަދު އިޝާން އެވެ. އިޝާން މިއުޒިކާ ދުރަށް ޖެހިފައި ވަނީ މިއުޒިކުން ހަގީގީ ހިތްހަމަޖެހުން ނުލިބޭ ކަމަށް ބުނެ އެވެ.
ހަމައެހެންމެ ރާއްޖޭގައި އުފެދުނު އެންމެ މަޝްހޫރު ލަވަކިޔުންތެރިޔާ އަލީ ރަމީޒު ވެސް ވަނި ލަވަ ކިޔުން ހުއްޓާލާފައެވެ. މީގެ އެތަށް އަހަރެއް ކުރިން ލަވަކިޔުން ހުއްޓާލި އަލީ ރަމީޒުގެ ލަވަތަކަކީ މިއަދުވެސް "ހިޓް" ލަވަތަކެކެވެ.
މީގެ އިތުރުންވެސް އަބްދުލް ބާރީ، އިބްރާހިމް ރަމީޒް، މޫސާ ޝިފާއު، އަބްދުލް ރާޒިގް އަލީ، އަދި ރެޕް ލަވަ ކިޔުންތެރިޔާ ސުއާދު ހިމެނެއެވެ.
Ads by STO
