ކުއްޖާ ނިޔާވީ ފަރުވާ ދެނިކޮށް ، ތަޙްޤީގް ދަނީ ކުރިއަށް : އޭޑީކޭ
ބުރާސްފަތި ދުވަހު އޭޑީކޭ ހޮސްޕިޓަލްގައި ނިޔާވި ކުއްޖާ ނިޔާވީ ފަރުވާ ދެމުންދަނިކޮށް ކަމަށް އޭޑީކޭ ހޮސްޕިޓަލުން ބުނެފިއެވެ.
ވަގުތަށް މަޢުލޫމާތު ދެމުން އެ ހޮސްޕިޓަލްގެ މެނޭޖިން ޑިރެކްޓަރ އަޙްމަދު އަފްއާލް ވިދާޅުވީ އެކުއްޖާ ނިޔާވީ އީއާރްގައި ފަރުވާ ދެމުންދަނިކޮށް ކަމަށާއި ކުއްޖާ ނިޔާވި ހާދިސާ ތަހުގީގް ކުރަމުން އަންނަ ކަމަށެވެ.
އަފްއާލް ވަގުތަށް ވިދާޅުވެފައިވަނީ އެކުއްޖާއަށް އޭޑީކޭގައި ފަރުވާ ދެމުން ދިޔައީ ސުޕެޝަލިސްޓް ޑޮކްޓަރުންގެ ލަފަޔާވެސް އެކީގައި ކަމަށެވެ. އަދި ކުއްޖާގެ މަޢުލޫމާތު އާއިލާއާއި ވެސް ހިއްސާ ކުރަމުން ގެންދާ ކަމަށާއި ތަހްޤީޤް ކުރަމުންދާތީ ކުއްޖާގެ މަރާއި ގުޅޭ އިތުރު މަޢުލޫމާތު ހާމަ ކުރެވެން ނެތް ކަމަށެވެ.
''މީގެ ކުރިން ވެސް އޮންނަ ގޮތް އެއީ ކޮމްޕްލެއިނެއް އައިސްފިއްޔާ ތަޙްޤީޤް ކުރުން ، އެގޮތުން މިކަންތައް ވެސް ތަޙްޤީޤް ކުރަމުން މިދަނީ ، އެކަމަކު ނިޔާވީ އީއާރްގައި ފަރުވާ ދެމުން ދަނިކޮށް''ކުއްޖާ މަރުވެފައިވަނީ ފަރުވާ ނުދެވިގެންކަމަށް ޢާއިލާއިން މަޢުލޫމާތު ދިން ފަރާތަކުން ބުނެފައިވަނިކޮށް އަފްއާލް ވަގުތަށް މަޢުލޫމާތު ދީފައިވެއެވެ.
ބުރާސްފަތި ދުވަހު ފަތިހު އޭޑީކޭގައި މަރުވެފައިވަނީ ހަތަރު މަހުގެ ފިރިހެން ކުއްޖެއްކަމަށް ޢާއިލާއިން މަޢުލޫމާތު ދިން ފަރާތުން ހާމަކޮށްފައިވެއެވެ.
