ރިސޯޓެއް ތަރައްޤީ ކުރަމުން ދާ ރަށެއްގައި ބިދޭސީންތަކެއް މާރާމާރީ ހިންގައިފި

ރިސޯޓެއް ތަރައްޤީ ކުރަމުންދާ ރަށެއް ކަމަށްވާ، ކ.ރަށްފަޅުހުރާގައި މަސައްކަތް ކުރަމުންދިޔަ ބިދޭސީންތަކެއް މާރާމާރީ ހިންގައިފިއެވެ.

Ads by MWSC

މަޢުލޫމާތު ލިބިފައިވާ ގޮތުގައި މާރާމާރީ ހިންގާފައި ވަނީ، ބަނގްލަދޭޝް ބަޔަކާއި ސްރީލަންކާ ބަޔަކާ ދެމެދުއެވެ.

ފުލުހުންގެ މީޑިއާ އޮފިޝަލު ވިދާޅުވީ ރިސޯޓެއްގެ ގޮތުގައި ތަރައްގީ ކުރަމުން އަންނަ ކ.ރަށްފަޅުހުރާ 4 ގައި މަސައްކަތް ކުރާ ބިދޭސީ މަސައްކަތްތެރިންގެ މެދުގައި ހަމަނުޖެހުމެއް ހިނގައިފައިވާ ކަމުގައި މައުލޫމާތު މިއަދު 13:20 ގައި ފުލުހުންނަށް ހުށަހެޅިފައިވާ ކަމަށެވެ.

އަދި މި ކަމާ ގުޅިގެން ބަލަން ޖެހޭ ކަންކަން ފުލުހުން ބަލަމުން އަންނަ ކަމުގައި ވެސް ފުލުހުން ވިދާޅުވިއެވެ.