ކޮވިޑް ޖެހުނު އުލިގަމު މީހާ ބަލިން ރަނގަޅު ވެއްޖެ

ހއ. އުލިގަމުން ކޮވިޑް ޖެހުނު ދިވެހި މީހާ ބަލިން ރަނގަޅު ވެއްޖެއެވެ.

Ads by STELCO

މިރޭ ބޭއްވި ނޫސްވެރިންގެ ބައްދަލުވުމުގައި ކޮވިޑް-19ގެ ތަރުޖަމާނު މަބްރޫކް އަޒީޒް ވިދާޅުވީ ބަލިން މިއަދު ރަނގަޅުވެފައިވަނީ ކޭސް 52 އެވެ. އެއީ 27 އަހަރުގެ ދިވެހި ފިރިހެނެކެވެ.

މި މީހާއާއެކު ރާއްޖެއިން މި ބައްޔަށް ފައްސިވި މީހުންގެ ތެރެއިން، ރަނގަޅުވި މީހުންގެ އަދަދު މިހާރު ވަނީ 32 އަށް އަރާފައެވެ. މީގެތެރޭގައި ހިމެނެނީ 18 ދިވެހިންނާއި، 14 ބިދޭސީންނެވެ.

ރާއްޖެއިން މިހާތަނަށް 904 މީހަކު ފައްސިވެފައިވާއިރު، މީގެތެރޭގައި ހިމެނެނީ 304 ދިވެއްސަކާއި، 600 ބިދޭސީންނެވެ.

ރާއްޖެއިން ބައްޔަށް ފައްސިވި މީހުންގެ ތެރެއިން 32 މީހުން ބަލިން ރަނގަޅުވެފައިވާއިރު، ތިން މީހަކު ވަނީ މަރުވެފައެވެ. އޭގެތެރޭގައި ހިމެނެނީ ދެ ދިވެއްސަކާއި ބިދޭސީ އެކެވެ.