ނަސޭހަތް ދިނުމުން ވެސް އދ. އޮމަދޫއިން ފުރައިގެން ދާން އުޅުނު މީހަކު ހައްޔަރު ކޮށްފި

ތަކުރާރުކޮށް ނަސޭހަތް ދިނުމުން ވެސް އދ. އޮމަދޫއިން ފުރައިގެން ދާން އުޅުނު މީހަކު ހައްޔަރު ކޮށްފިއެވެ.

Ads by MWSC

ފުލުހުން ބުނީ އޮމަދޫ ކައުންސިލާއި ޓާސްކް ފޯހުގެ ހުއްދަ ނެތި ރަށުން ފުރައިގެން ދާން އުޅުމުން އަނގަބަހުންނާއި ލިޔުމުން ނަސޭހަތް ދިނުމުން ވެސް އިސްލާހު ނުވެ، ކައުންސިލް އަދި ޓާސްކް ފޯހުގެ މަސައްކަތަށް ހުރަސް އެޅި ކަމުގެ ތުހުމަތުގައި އޮމަދޫއިން މީހަކު ހައްޔަރު ކޮށްފައިވާ ކަމަށެވެ.

ކޯޓު އަމުރެއްގެ ދަށުން މިރޭ 21:15 ހާއިރު ހައްޔަރުކުރީ އުމުރުން 28 އަހަރުގެ ދިވެހި ފިރިހެނެއް ކަމަށް ފުލުހުން ބުނެއެވެ.

މި މައްސަލަ ފުލުހުން ދަނީ ތަހުގީގުކުރަމުންނެވެ.