ޤާނޫންގެ ހުކުމް ހިންގަން ފުލުހުންނަށް ނުކުޅެދިގެން ނުވާނެ: ޖަމީލް
ޤާނޫނުގެ ހުކުމް ހިންގަން ފުލުހުން ނުކުޅެދޭތަން ރައްޔިތުންނަށް ފެނިގެން ނުވާނެ ކަމަށް ކުރީގެ ނައިބު ރައީސް ޑރ.މުޙައްމަދު ޖަމީލް އަޙްމަދު ވިދާޅުވެއްޖެއެވެ.
ޖަމީލް މިއަދު ކުރެއްވި ޓްވީޓެއްގައި ވިދާޅުވީ، ޤައުމުގެ އެންމެ ސީނިއަރ ފުލުސް އޮފިސަރުގެ މައްޗަށްވެސް ޤާނޫނު ހަމަހަމަ ކަމާއި އެކު ހިންގުމަކީ އަޅުގަނޑުމެން ބަލައިގެންފައިވާ ޑިމޮކްރެސީ ކަމަށާއި، ޤާނޫނުގެ ހުކުމް ހިންގަން ފުލުހުން ނުކުޅެދޭތަން ރައްޔިތުންނަށް ފެނިގެން ނުވާނެ ކަމަށެވެ.
Qaanoon ge Hukum hingan @PoliceMv nukulhedhy than Rayyithunnah fenigen nuvaane. Qawm ge enme Senior police officer ge mahchah ves Qaanoon hama hamakamaai eku hingumakee Alhugandumen baligenfai vaa democracy. https://t.co/cfqi2QEPp6
— Mohamed Jameel Ahmed (@MJameelAhmed) May 12, 2020
ޖަމީލް މިހެން ޓްވީޓް ކުރައްވާފައިވަނީ ކޮމިޝަނާ އޮފް ޕޮލިސް ކަމަށް ބެލެވޭ ފަރާތެއް ބަނގުރާފުޅި ތަކަކާއެކު މީސްމީޑިޔާގައި ދައުރުވާ ފޮޓޯތަކާއި ބެހޭ ގޮތުން، އޮންލައިން ނޫހެއް ކަމަށްވާ "އަވަސް" އިން ޓްވީޓްކޮށްފައިވާ ޚަބަރު ރީޓްވީޓް ކުރައްވަމުންނެވެ.
