ރޯސް ޓްރެސް ލެޗެސް: ގޭގައި ވެސް ރޯސް ޓްރެސް ލެޗެސް ތައްޔާރުކޮށްލެވިދާނެ
ކޭކު ތައްޔާރުކުރަން ބޭނުންވާނެ ތަކެތި:
5 ބިސް
50 ގ. ބަޓަރު (ދިޔާކޮށްފައި)
¼ ޖޯޑު ތެޔޮ
¼ ޖޯޑު ހަކުރު
1 ސައި ސަމުސާ ވެނީލާ އެސެންސް
½ ޖޯޑު ފުށް
¼ ޖޯޑު ކޯން ފުލާރ
1 ސައި ސަމުސާ ބޭކިން ޕައުޑަރ
¼ ސައި ސަމުސާ ލޮނު
ރޯސްމިލްކް ސިރަޕް ހަދަން ބޭނުންވާނީ:
ބައި ޖޯޑު ކިރު (ފުލް ކްރީމް)
ބައި ދަޅު ގެރިކިރު
ބައި ދަޅު އިވަޕޮރޭޓަޑް މިލްކް ( އިވަޕޮރޭޓެޑް މިލްކް ނެތް ނަމަ ބައި ޖޯޑު ހެވީ ކްރީމް )
4 ސަމްސާ ރޯސް ސިރަޕް
1/4 ސައި ސަމުސާ ވެނީލާ އެސެންސް
އައިސިން އަށް ބޭނުންވާނީ:
2 ޖޯޑު ވިޕިންގ ކްރީމް
1/4 ޖޯޑު އައިސިންގ ޝުގަރ ނޫނީ ކާސްޓަރ ޝުގަރ
ބައި ސައި ސަމުސާ ވެނީލާ
ތައްޔާރުކުރާނެ ގޮތް:
ބިހުގެ ގޮބޮޅި އާއި ހުދުބައި ވަކިކޮށްލާށެވެ. މީގެ ހުދު ބައި ތައްޓަކަށް އެޅުމަށްފަހު، ކުޑަ ލޮނުކޮޅެއް އަޅައި ވިޕްކޮށްލާށެވެ. އިތުރު ތައްޓެއްގައި ބިހުގެ ގޮބޮޅި، ބަޓަރު، ތެޔޮ، އަދި ހަކުރު އެޅުމަށްފަހު ރަނގަޅަށް އެއްކޮށްލާށެވެ. އެއަށްފަހު މީގެ ތެރެއަށް ވެނީލާ އެސެންސްކޮޅު އަޅައި އަނެއްކާވެސް ރަނގަޅަށް އެއްކޮށްލާށެވެ.
މީގެ ތެރެއަށް ފުށް، ކޯންފުލާރ، ބޭކިން ޕައުޑަރ އަދި ކިރު އެޅުމަށްފަހު ރަނގަޅަށް އެއްކޮށްލާށެވެ.
އަވަން 180 ޑިގްރީ ސެލްސިއަށް ހޫނުކުރަން ޖައްސާށެވެ. އަދި ޓްރޭއެއްގައި ބަޓަރު ހޭކުމަށްފަހު މި މިކްސް އަޅައި 30 ނުވަތަ 40 މިނެޓް ވަންދެން އަވަންގައި ފިހެލާށެވެ. ކޭކު ފިހެވުނުތޯ ބަލަން ކޭކުގެ މެދަށް ޓޫތްޕިކެއް ހަރާލުމަށްފަހު، އޭގައި ނުހޭކޭނަމަ އެހެރީ ފިހެވިފައެވެ.
ދެން މިލްކް ސިރަޕް ތައްޔާރުކޮށްލުމަށް ކިރު، ހެވީ ކްރީމް، އިވަޕޮރޭޓަޑް މިލްކް، ކުޑަ ވެނީލާކޮޅެއް، ރޯސް ސިރަޕް އަދި ގެރިކިރު އެއްކޮށްލާށެވެ. ކޭކް ފިހެވުމުން މި މިލްކް ސިރަޕް އަޅާފައި ރަނގަޅަށް އެތެރަށް ވަދެގެން ދަންދެން ބަހައްޓާލާށެވެ. އެންމެ މަދުވެގެން 5 ގަޑިއިރު ބަހައްޓާލަން ވާނެއެވެ.
އައިސިންގ ހެދުމަށް ވިޕިންގ ކްރީމް، ހަކުރު އަދި ވެނީލާ ހޭންޑް މިކްސަރެއްގައި ގިރާލާށެވެ.
ދެން ކޭކް ވަށާ އައިސިންގ ޖެހުމަށް ފަހު، ފިނިކޮށްލަން ބަހައްޓާލާށެވެ. މިކޭކު ބޮޑަށް މީރުވާނީ ގިނައިރުވީ ވަރަކަށެވެ.އެއީ ގިނައިރު ވީ ވަރަކަށް ސިރަޕުން ކޭކު ފޯވާނެއެވެ.
