ސައީދުގެ ބިލުގައި ޕެންޝަން ފަންޑުގައި ހުރި ފައިސާ ލިބޭނެ ގޮތް ހެދުމާއި ކުލީގެ ގޮތުގައި ދައްކަން ޖެހޭ އަދަދު 50 ޕަސެންޓު އުނިކުރުމާއި ސްޓޫޑަންޓު ލޯނު ދެއްކުން ވެސް މަޑުޖައްސާލުން ހިމެނެއެވެ.
"ކޮވިޑް19ގެ އެހީތެރިކަމުގެ ބިލުގެ އިސްލާހުތައް ބައްލަވަންވާ ވަރަށް ނުބައްލަވާ ފާޑު ވިދާޅުވުމަކީ ހިތާމައެއް"
ކޮވިޑް19ގެ އެހީތެރިކަމުގެ ބިލުގެ އިސްލާހުތައް ބައްލަވަންވާ ވަރަށް ނުބައްލަވާ ފާޑު ވިދާޅުވުމަކީ ހިތާމައެއް ކަމަށް މާވަށު ދާއިރާގެ މެމްބަރު މުހައްމަދު ސައީދު ވިދާޅުވެއްޖެއެވެ.
Ads by STELCO
ސައީދު ފުރަތަމަ އެ ބިލު ހުށަހެޅުއްވުމުން މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވީ މާލިއްޔަތާއި ގުޅޭ ބިލުތައް ހުށަހެޅޭނީ ހަމައެކަނި ސަރުކާރަށް ކަމަށެވެ. އެހެންކަމުން ބިލު އިސްލާހު ކުރުމަށްފަހު އަނެއްކާވެސް ހުށަހެޅުމަށް އެދިލެއްވިއެވެ. އެގޮތުން ބިލު އިސްލާހު ކުރުމަށްފަހު އިއްޔެ ސައީދު ވަނީ އަލުން ހުށަހަޅާފައެވެ.
ނަމަވެސް މިއަދު އޮތް ރައްޔިތުން މަޖިލީހުގެ ޖަލްސާގައި އެ ބިލު އަނެއްކާވެސް އެ ބިލު ބަލައި ނުގަތުމަށް ވަނީ ނިންމާފައެވެ. ސަބަބެއް ކަމަށް ނަޝީދު ވިދާޅުވީ ގަވާއިދުގައި އެފަދަ ބިލުތައް ހުށަހެޅުމުގެ ފުރުސަތު ސަރުކާރަށް ލިބިފައިވާތީ ކަމަށެވެ.
މިކަމާ ގުޅިގެން ސައީދު ކުރެއްވި ޓްވީޓެއްގައި ވިދާޅުވީ އެބިލުގައި ހިމެނޭނީ ނިކަމެތި އެތައް ރަތްޔިތެއްގެ ގޭކުލި، ބިން، ގެދޮރު، މަސްވެރީން، ދަނޑުވެރީން އަދި ވަޒީފާގެ ހައްޤު ކަމަށެވެ.
އަދި ފުރަތަމަ ހުށަހެޅުމާއި އެކު، ޕާޓީތަކުގެ ޕީޖީ ލީޑަރުންނާއި މަޝްވަރާ ކުރައްވާނެ ވާހަކަ ވިދާޅުވެ އެކަންނުކުރައްވާ ކަންހާމަވާ ކަމަށް ސައީދު ވިދާޅުވިއެވެ.
"ޕެންޝަނަކީ އެބިލުގެ މުހިންމު ބައެއް. އެކަމަށް އިސްލާހު ބޭނުންވަރަކަށް ގެނައުމުގެ ފުރުސަތު"ސްޕަރ" މެޖޯރިޓީ އޮތް MDP އަށް އޮއްނާނެކަން އެންމެ ތުއްތުކުދީންނައްވެސް އެނގޭނެ." ސައީދު ވިދާޅުވިއެވެ.
1. "ކޮވިޑް19ގެއެހީތެރިކަމުގެބިލް"ގެ އިސްލާޙްތައް މަޖިލިސްގެ ރިޔާސަތުން ބައްލަވަންވާވަރަށް ނުބައްލަވާ ފާޑު ވިދާޅުވުމަކީ ހިތާމައެއް. އެބިލުގައި ހިމެނޭނީ ނިކަމެތި އެތައްރަތްޔިތެއްގެ ހައްޤު: ގޭކުލި،ބިން،ގެދޮރު، މަސްވެރީން،ދަނޑުވެރީން އަދި ވަޒީފާގެހައްޤު https://t.co/sbGoI2w0jo
— Mohamed Saeed (@em_saeed) May 13, 2020
Ads by Ooredoo
