ވަސީލަތްތައް ހުރެ، އައްޑޫ ކައުންސިލުން ޑެންގީން ރައްކާތެރިވުމަށް ފިޔަވަޅު ނާޅަތީ ޣައްސާން ސުވާލު އުފައްދަވައިފި
ވަސީލަތްތައް ހުރެ ޑެންގީ ހުމުން ރައްކާތެރިވާން އައްޑޫ ކައުންސިލުން ފިޔަވަޅު ނާޅާތީ ތ.ގުރައިދޫ ދާއިރާގެ މެމްބަރު އަދި ޕީޕީއެމްގެ ނައިބް ރައީސް މުހައްމަދު ޣައްސާން މައުމޫން ސުވާލު އުފައްދަވައިފިއެވެ.
ޕީޕީއެމްގެ ކައުންސިލް މެންބަރު ޒާހިދު ރަމީޒު ވަނީ މިދިޔަ އަހަރުގެ ފަހުކޮޅު އައްޑޫ ސިޓީ ކައުންސިލަށް މަދިރި ދުންޖަހާ ސާމާނުތަކެއް ހަދިޔާކޮށްފައެވެ.
މިރޭ ކުރެއްވި ޓްވީޓެއްގައި ޣައްސާން ވަނީ ކޮވިޑް-19ގެ ނުރައްކަލުގެ ތެރޭގައި ވެސް ޑެންގީ ހުމުން ރައްޔިތުން ރައްކާތެރިކުރުމަށް މާލޭގައި ފިޔަވަޅު އަޅަމުންދާ ގޮތަށް، ވަސީލަތްތައް ހުރެ އައްޑޫގައި މިކަން ނުކުރެވެނީ ކީއްވެގެންތޯ ސުވާލު އުފައްދަވާފައެވެ.
"ލަސްނުކޮށް މި ފިޔަވަޅުތައް ނެގުން މުހިއްމު" ޣައްސާން ވިދާޅުވިއެވެ.
#COVID19 ge nurakkaluge thereygai ves Dengue humun rayyithun rakkaatherikurumah maleygai fiyavalhu alhamun dhaagothah, vaseelaih thah hure, Addu City gai mikan nukurevenee keevve baa? Las nukoh mi fiyavalhuthah negun muhimmu. @SobeAbdulla @AdduCityCouncil pic.twitter.com/uwX0YdfWpY
— Mohamed Ghassan Maumoon (@mgmaumoon) May 13, 2020
އައްޑޫ ކައުންސިލުން ބުނިގޮތުގައި އައްޑޫ އިން މަދިރި މަދުކުރުމަށް ހިންގާ ޕްރޮގްރާމަށް އެހީވުމުގެ ގޮތުން ޒާހިދު ހަދިޔާކުރި ތަކެތީގެ ތެރޭގައި ހިމެނެނީ ފޮގް މެޝިނަކާއި އެއަށް އަޅާ ބޭސްތަކެއް ކަމަށެވެ. މި ތަކެތީގެ އަގު 4 ލައްކަ ރުފިޔާ އަށް އަރާނެ ކަމަށް ކައުންސިލުން ބުނެއެވެ.
ޒާހިދު ހަދިޔާ ކުރެއްވި ތަކެއްޗާ އެކު ވެސް އައްޑޫގައި ޑެންގޫ ފެތުރުން ކޮންޓްރޯލް ކުރުމަށް އެއްވެސް ކަމެއް ކުރޭތޯ ހުދު އޭނާ ވެސް ވަނީ ސުވާލު އުފައްދަވާފައެވެ.
Ads by STO
