މާލޭގައި ތާށިވެފައި ތިބި ރައްޔިތުން ކަރަންޓީން ކުރުމަށް އިތުރު ތިން ރިސޯޓު ހަމަޖައްސައިފި

ފުރަބަންދާ ގުޅިގެން، ރަށް ނުދެވި މާލޭގައި ތާށިވެފައި ތިބި ރައްޔިތުން ކަރަންޓީން ކުރުމަށް އިތުރު ތިން ރިސޯޓު ހަމަޖައްސައިފިއެވެ.

Ads by Hajj Corporation

ޓޫރިޒަމް މިނިސްޓަރު އަލީ ވަހީދު މިއަދު ކުރި ޓްވީޓެެއްގައި ވިދާޅުވެފައިވަނީ ރަށަށް ނުދެވި ތިބި ރައްޔިތުން ކަރަންޓީނު ކުރުމަށް ހދ. އަތޮޅާއި ފ. އަތޮޅާއި މ. އަތޮޅުން ރިސޯޓެއް ހަމަޖެހިފައިވާ ކަމަށެވެ.

މިނިސްޓަރު ގެ ޓްވީޓުގައި މިކަމަކީ އުނދަގޫ ކަމެއް ކަމެއް ނަމަވެސް އަތޮޅުތެރޭގައި ބަލި ފެތުރުން ކޮންޓްރޯލް ކުރުމަށް ނުހަނު ބޭނުންތެރި ކަމެއް ކަން ފާހަގަކޮށްފައިވެއެވެ.

މި ތިން ރިސޯޓުގެ އިތުރުން މިހާރު ވެސް ހަތަރު ރިސޯޓެއް ހަމައެކަނި ފުރަބަންދުވީ ރައްޔިތުން ކަރަންޓީން ކުރުމަށް ބޭނުން ކުރަމުން އެބަ ގެންދެއެވެ. އޭގެ ތެރޭގައި ހިމެނެނީ އައްޑޫ، ދ. އަތޮޅާއި ޅ. އަތޮޅާއި ރ. އަތޮޅުގެ ރިސޯޓުތައް ކަމަށް މިނިސްޓަރު ވިދާޅުވިއެވެ.

"ﷲ އިރާދަފުޅުން އައިސޮލޭޝަން ދައްޗެއް ނުވެ ފުރަބަންދު ކަރަންޓީން ވެސް ކުރިއަށް ގެންދެވޭނެ،" އަލީ ވަހީދު ވިދާޅުވިއެވެ.