ފުވައްމުލަކުގައި ކޮވިޑަށް ޝައްކު ކުރެވޭ މީހުން ވަޅުލާ ގޮތަށް ބިދޭސީއަކު ވަޅުލައިފި
ފުވައްމުލަކު ގައި ނިޔާވި ބިދޭސީއަކު، ކޮވިޑް19 އަށް ޝައްކު ކުރެވޭ މީހުން ވަޅުލާ ގޮތަށް ވަޅުލައިފިއެވެ.
ފުވައްމުލަކު ސިޓީ ކައުންސިލް އިން ހާމަކޮށްފައިވާ ގޮތުގައި 14 މެއި 2020 ވީ ބުރާސްފަތި ދުވަހު ފުވައްމުލައް ސިޓީގައި ކުއްލިގޮތަކަށް ނިޔާވި ބަންގްލާދޭޝްގެ ރައްޔިތެއް މިއަދުގެ މެންދުރު ފަހުވަޅުލާފައިވާއިރު މީނާގެ ޖަނާޒާގެ އެންމެހައި ކަންކަން ކުރިޔަށް ގެންގޮސްފައިވަނީ ނޭޝަނަލް އިމަޖެންސީ އޮޕަރޭޝަން ސެންޓަރުގެ އިރުޝާދާ އެއްގޮތަށް، ކޮވިޑް19ގެ ސަބަބުން ނުވަތަ އެ ބައްޔަށް ޝައްކު ކުރެވޭ މީހުން ވަޅުލުމަށް ކަނޑައެޅިފައިވާ އުސޫލުތަކާ އެއްގޮތަށެވެ.
ނިޔާވި ބިދޭސީ މީހާގެ ޖަނާޒާގެ ކަންކަން ކުރިއަށް ގެންގޮސްފައިވަނީ އެ ކައުންސިލުގެ މުވައްޒަފުންނެވެ.
އަދި މި މީހާ އާއި 1 އޭޕްރީލްގެ 2020 ގެ ފަހުން މާލެ ސަރަހައްދުން މި ސިޓީއަށް އައި ފަރާތްތަކުގެ ތެރެއިން އޭނާއާއި ސީދާ ކޮންޓެކްޓްވި ފަރާތްތަކުގެ ސާމްޕަލް ނަގައި މިހާރުވަނީ ޓެސްޓް ކުރުމަށް ފޮނުވާފައިވާ ކަމަށް ވެސް އެ ކައުންސިލުން ހާމަކޮށްފައިވެއެވެ.
ރާއްޖެއިން މިހާތަނަށް 1020 މީހުނަށް ކޮވިޑް19 ޖެހިފައިވާއިރު 4 މީހަކު ވަނީ މި ބަލީގައި ނިޔާވެފައެވެ.
Ads by STO
