އަލްޙަމްދުލިﷲ! އިތުރު 3 މީހަކު ބަލިން ރަނގަޅުވެއްޖެ

ކޮވިޑް ޖެހުނު އިތުރު 3 މީހަކު ބަލިން ރަނގަޅުވެއްޖެއެވެ.

Ads by Hajj Corporation

މި ތިން މީހުންނާއެކު މިހާތަނަށް ރާއްޖެއިން މިބަލިން ރަނގަޅުވީ މީހުންގެ ޖުމްލަ އަދަދު 49 އަށް ވަނީ އިތުރުވެފައެވެ.

ކޮވިޑް-19 ޖެހި ރާއްޖެއިން ރަނގަޅުވީ މީހުންގެ ތެރޭގައި ދިވެހީންނެވެ. އޭގެ ތެރޭގައި މިބަލި މާލެއިން އެންމެ ފުރަތަމަ ފެނުނު ޖަރީމާގޭ ކްލަސްޓަރއަށް ނިސްބަތްވާ 2 އަހަރުގެ ތުއްތު ކުއްޖާވެސް ހިމެނެއެވެ. އަދި މާލެއިން މިބަލި ފެނުނު އެންމެ ބޮޑެތި ކްލަސްޓަރ ތަކަށް ނިސްބަތްވާ މީހުން ވެސް ހިމެނެއެވެ.

ޓެކްނިކަލް އެޑްވައިޒަރީ ގްރޫޕް (ޓެގް) ގައި ހިމެނިވަޑައިގަންނަވާ ޑޮކްޓަރުން ވިދާޅުވެފައި ވަނީ ރާއްޖޭގައި ބަލިން ރަނގަޅުވާ މުއްދަތު ލަސް ނަމަވެސް ކުރިއަށް އޮތް ހަފްތާގެ ތެރޭގައި ކޯވިޑް ޖެހުނު މީހުންގެ ތެރެއިން ބަލިން ރަނަގަޅުވާ މީހުންގެ ޢަދަދު އިތުރުވާނެ ކަމަށް ލަފާ ކުރެވޭ ކަމަށެވެ.