"ވިޒިޓް މޯލްޑިވްސް ލޭޓަރ" ކެމްޕެއިންގެ ހަރަކާތްތަކެއް އިންޑިއާގައި
މޯލްޑިވްސް މާރކެޓިން އެންޑް ޕަބްލިކް ރިލޭޝަންސް ކޯޕަރޭޝަން، އެމްއެމްޕީއާރުސީއިން "ވިޒިޓް މޯލްޑިވްސް ލޭޓަރ" ކެމްޕެއިން އިންޑިއާގައި ފަށައިފިއެވެ. މި ކެމްޕެއިން އިންޑިއާ ގައި ކުރިއަށް ގެންދަނީ އިންޑިއާގެ ޓްރެވަލް އެޖެންސީ، ކަޔަކް އާއެކުއެވެ.
"ވިޒިޓް މޯލްޑިވްސް ލޭޓަރ" ކެމްޕެއިނަކީ ކޯވިޑް-19 އިން ސަލާމަތްވެ، ރާއްޖެ ޢާއްމު ޙާލަތަކަށް ރުޖޫއަ ވުމުން ފަތުރުވެރިން ގެނައުމަށްޓަކައި އެމްއެމްޕީއާރްސީ އިން އިސްނަގައިގެން ކުރިއަށްދާ ކެމްޕެއިނެކެވެ.
އެމްއެމްޕީއާރުސީ އާއި ކަޔަކް ގެ މަގްސަދަކީ އަލުން ފަތުރުވެރިން ރާއްޖެ އަންނަން ފަށާއިރު އިންޑިއާ މާރކެޓުން ރާއްޖެއަށް އަންނަ ފަތުރުވެރިން އިތުރުކުރުމުމެވެ.
މި ހަރަކާތުގެ ދަށުން ކަޔަކް ޓްރެވަލް އެޖެންސީގެ ވެބްސައިޓުގައި "ވިޒިޓް މޯލްޑިވްސް ލޭޓަރ" ޝިއާރާއެކު ފޮޓޯތައް އިޝްތިހާރު ކުރާނެކަމަށް އެމްއެމްޕީއާރްސީ އިން ބުނެފައިވާއިރު އިންޑިއާގެ ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކަށްް ހާއްސަކޮށް ވެބިނާ ސެޝަންތަކެއްވެސް އެމްއެމްޕީއާރްސީ ގެ ފަރާތުން ވަނީ ކުރިއަށް ގެންގޮސްފައެވެ.
