ބޭނުންވާ ބައެއް ތަކެތި ހިފައިގެން ބީއެމްއެލްގެ ހާއްސަ ޗާޓަރު ފްލައިޓެއް ލާމު އަދި އައްޑޫއަށް
ބޭންކް އޮފް މޯލްޑިވްސް(ބީއެމްއެލް)ގެ މުވައްޒަފުންނާށް ބޭނުންވާ ޕީޕީއީ އަދި އެހެނިހެން ސާމާނު ހިފައިގެން އެ ބޭންކުގެ ހާއްސަ ޗާޓަރު ފްލައިޓެއް ލ. އަތޮޅަށާއި އައްޑޫ އަށް ގޮސްފިއެވެ.
ބީއެމްއެލް އިން ބުނި ގޮތުގައި، ބޭންކުގެ ލ. ގަމު ބްރާންޗާއި އައްޑޫ ގަން ބްރާންޗުގެ އޭޓީއެމްގައި މައްސަލަ ޖެހިފައި ހުރުމުން އެމައްސަލަ ހައްލު ކުރުމަށް ޓެކްނިޝަނެއް ޗާޓަރު ފްލައިޓު މެދުވެރިކޮށް ގޮސް މިދެއަތޮޅުގައި ހަރާކާތްތެރިވެވަފައިވާ ކަމުގައެވެ.
ބީއެމްއެލް އިން ބުނީ ބޭންކުގެ ޗާޓަރު ފްލައިޓުގައި ޓެކްނިޝަންގެ އިތުރުން، ބޭންކަށް ބޭންކުގެ ބްރާންޗުތަކުގެ މުވައްޒަފުންނަށް ޟަރޫރީ ގޮތުން ދޭން ޖެހޭ ޙިދުމަތް ދިނުމަށް ބޭނުންވާ ޕީޕީއީ އާއި، ޕިންތަކާއި ކާޑުތަކުގެ އިތުރުން، އޭޓީއެމް މަރާމާތު ކުރުމަށް ބޭނުންވާ ސްޕެއާ ޕާޓްސްތައް ގެންގޮސްފައިވާ ކަމަށެވެ.
ކޮވިޑް-19އާ ގުޅިގެން ބޭންކުގެ އާންމު ޙިދުމަތްތަށް ގިނަ ޙިދުމަތްތަށް ދިނުން ވަނީ މަޑު ޖައްސާލާފައެވެ. ނަމަވެސް ހަފްތާއަކު ދެދުވަހު ބޭންކުގެ ޟަރޫރީ ހިދުމަތް ދިނުމަށް ހުޅުވާލައެވެ. މީގެ އިތުރުން ހުރިހާ އޭޓީއެމްތަކެއްގައި ސެނިޓައިޒާ ފުޅި ވަނީ ބަހައްޓާފައެވެ.
