އަނެއްކާވެސް ބަންގްލަދޭޝް އިން 10 ޓަނުގެ ކާބޯތަކެތި ހަދިޔާކޮށްފި
ކާބޯތަކެތީގެ 10 ޓަނުގެ އެހީއާއެކު ބަންގްލަދޭޝްގެ އަސްކަރީ މަތިންދާބޯޓެއް މިއަދު ރާއްޖެއަށް އައިސްފިއެވެ.
މިގޮތުން ބަންގްލަދޭޝް އިންފޮނުވި ކާބޯތަކެތީގެ ތެރޭގައި ހިމެނެނީ ފިޔާ، ބިސް މުގު، އަލުވި، ކުކިންގ އޮއިލް، ބަރަބޯ، ތޮރާ، ކަރާ އަދި އަލަނާސި ހިމެނެއެވެ.
ފޮރިން މިނިސްޓަރ އަބްދުﷲ ޝާހިދު ވަނީ ބަންގްލަދޭޝް ސަރުކާރުން ފޯރުކޮށްދެއްވި އެހީތެރިކަމަށްޓަކައި އެޤައުމުގެ ސަރުކާރާއި ރައްޔިތުންނާއި އަދި ޚާރިޖީ ވަޒީރާ އެއަރފޯސް އަށް ޝުކުރު އަދާކުރައްވާފައެވެ. އަދި ބަންގްލަދޭޝް އިން ފޮނުވި ހިލޭ އެހީއަކީ ދެ ޤައުމުގެ ގާތް ގުޅުމުގެ ރަމްޒެެއް ގެ ގޮތުގައި ފޮރިން މިނިސްޓްރީ އިން ވަނީ ސިފަކޮށްފައެވެ.
ބަންގްލަދޭޝްއިން މީގެ ކުރިންވެސް އެގައުމުގެ އަސްކަރީ މަނަވަރެއްގައި 100 ޓަނުގެ ހިލޭ އެހީ ފޮނުވާފައިވެއެވެ.
މި މަތިންދާބޯޓު އެނބުރި ގައުމަށް ދާނީ ރާއްޖޭގައި ގަވައިދާ ހިލާފަށް ދިރިއުޅޭ 70 ބިދޭސީން ގޮވައިގެންނެވެ.
Ads by STO
