ފައްސިވާ ކޭސްތަކާ ގުޅޭ ކޮންޓެކްޓްސް ފެންނަ އަދަދު ދަނީ މަދުވަމުން: ޑރ. ނަޒްލާ
ލޮކްޑައުންއާ ގުޅިގެން ކޮވިޑަށް ފައްސިވާ ކޭސްތަކާ ގުޅޭ ކޮންޓެކްޓްސް ފެންނަލެއް ދަނީ މަދުވަމުން ކަމަށް ޑރ. ނަޒްލާ ރަފީގު ވިދާޅު ވެއްޖެއެވެ.
މިރޭ ބޭއްވި ނޫސްވެރިންގެ ބައްދަލުވުމުގައި ޑރ. ނަޒްލާ ވިދާޅުވީ ލޮކްޑައުންއަށް ދިޔަ ފަހުން ކޭސްތައް ފެންނަމުން ދިޔަ ވަރަކަށް ޓެސްކުރަމުންދާ ވަރު އިތުރުވި ނަމަވެސް އެވެރެޖްކޮށް ކޮންމެ ކޭސްއަކަށް ބަލާއިރު ފެންނަ ކޮންޓެކްޓްސްގެ އަދަދު ވަރަށް ބޮޑަށް މަދުވެފައިވާކަމަށެވެ. އަދި ޖުމްލަކޮށް ބަލާއިރު ކޮންޓެކްޓްސްވެސް މަދުވެފއިވާކަން ޑރ. ނަޒްލާ ފާހަގަކުރެއްވިއެވެ.
ޑރ. ނަޒްލާ ވިދާޅުވީ ފުރަތަމަ 66 ކޭސްގެ 1868 ކޮންޓެކްޓްސް ފެނިފައިވާ ކަމަށާއި އޭގެ ޖެހިގެން އައި ހަފުތާގައި 191 ކޭސްގައި 1972 ކޮންޓެކްޓް ފެނިފައިވާ ކަމަށެވެ.
އޭގެ ޖެހިގެން އައި ހަފުތާގައި 341 ކޭހުން 1261 ކޮންޓެކްޓްސް ފެނިފައިވާއިރު، މިދިޔަ ހަފުތާގައި 337 ކޭސް އިން ފެނިފައި ވަނީ 914 ކޮންޓެކްޓްސް ކަމަށް ޑރ. ނަޒްލާ ވިދާޅުވިއެވެ.
