އެއްމަހުގެ ތުއްތު ކުއްޖަކު ކޮވިޑަށް ފައްސި ވެއްޖެ

ވިހޭތާ އެއް މަސް ނުވާ ކުއްޖަކު ކޮވިޑް-19އަށް ފައްސި ވެއްޖެއެވެ. ފައްސިވެފައި ވަނީ ފިރިހެން ކުއްޖެކެވެ.

Ads by MWSC

މިރޭ ބޭއްވި ނޫސްވެރިންގެ ބައްދަލުވުމެއްގައި ޑރ.ނަޒްލާ ރަފީގް ވިދާޅުވީ އެ ކުއްޖާ ޓެސްޓު ކުރީ ފައްސިވި މީހެއްގެ އިންޑައިރެކްޓް ކޮންޓެކްޓެއް ބައްޔަށް ފައްސިވެ، އެ ކުއްޖާއާ ކޮންޓެކްޓް ވެފައިވާތީ އާއި އަދި އެ ކުއްޖާގެ ފަރާތުން ކޮންމެވެސް ވަރަކަށް އަލާމާތްތަކެއް ފެނިފައިވާތީ ކަމަށެވެ.

"ފުރަތަމަ ޓެސްޓު ކުރީ އެ ކުއްޖާ އެކަނި. މިހާރު އެ ކުއްޖާގެ މަންމަ ޓެސްޓު ކުރުމުގެ ކަންތައް ވެސް ކުރިއަށް އެބަދޭ" ނަޒްލާ ވިދާޅުވިއެވެ.

ރާއްޖެއިން މީގެކުރިން ވަނީ ހަތް މަހުގެ ކުއްޖަކު ވެސް ކޮވިޑަށް ޕޮޒިޓިވް ވެފައެވެ.