ރެސިޕީ: ޗީޒީ ޗިކަން ޕަނީނީ
ބޭނުންވާ ތަކެތި:
200ގ ބޯންލެސް ޗިކަން (ކުދިކޮށް ކޮށާފައި)
1 މިރުސް (ކުދިކޮށް ކޮށާފައި)
ސްލައިސް ޗީޒް (ބޭނުން ވަރަކަށް)
ކުޑަ ހިކަނދިފަތްކޮޅެއް
10 ކުދި ބާރގާ ބަނަސް
މަޔޮނައިސް (ބޭނުން ވަރަކަށް)
1 ފިޔާ (ކުދިކޮށް ކޮށާފައި)
1 ކެޕްސިކަމް (ކުދިކޮށް ކޮށާފައި)
ރަހަލާވަރަށް ލޮނުކޮޅެއް
ރަހަލާވަރަށް އަސޭމިރުސް
1 ތަށި ސަބްމެރީން ސޯސް
ކުޑަ ރާނބާފަތްކޮޅެއް
ތައްޔާރުކުރާނެ ގޮތް:
ތަވައަކަށް ކުޑަ ތެޔޮކޮޅެއް އެޅުމަށްފަހު ފިޔާ، މިރުސް، ހިކަނދިފަތް، ކެޕްސިކަމް އަދި ރާނބާފަތްކޮޅު ކުޑަކޮށް ހަނާކޮށްލާށެވެ. ފިޔާކޮޅު ކުޑަކޮށް ރަތްވާން ފެށުމުން ކޮށާފައި ހުރި ކުކުޅުކޮޅު، ލޮނު އަދި އަސޭމިރުސް މީގެ ތެރެއަށް އެޅުމަށްފަހު ރަނގަޅަށް އެއްކޮށްލާށެވެ. ކުޅިރަހަ މަޑުހެން ހީވާނަމަ އިތުރަށް މިރުސް އެޅިދާނެއެވެ. ކުކުޅުކޮޅު ރަނގަޅަށް ރޯފިލުމުން އުނދުން މަތިން ބޭލުމަށްފަހު އެއްފަރާތެއްގައި ބަހައްޓާލާށެވެ.
ކޮންޓެއިނަރަކަށް ކުރިން ތައްޔާރުކުރި ކުކުޅުކޮޅު އެޅުމަށްފަހު ހިކަނދިފަތް އަދި ރާނބާފަތްކޮޅު އަތުން ހޮވާލާށެވެ. މީގެ ތެރެއަށް މަޔޮނައިސްކޮޅެއް އެޅުމަށްފަހު ރަނގަޅަށް އެއްކޮށްލާށެވެ.
ބާރގާ ބަނަސްތައް މެދުން ކަފާލުމަށްފަހު ކޮންމެ ފަޅިއެއްގެވެސް އެތެރޭގައި މޭޒުމަތީ ސަމުސަލެއްގެ ސަބްމެރީން ސޯސްކޮޅެއް ހޭކާލާށެވެ. މީގެ ތެރެއަށް ކުރިން ތައްޔާރުކުރި ކުކުޅު މަސްކޮޅެއް އެޅުމަށްފަހު ބަނަހުގެ އެއްފަޅީގައި ފަތުރާލާށެވެ. އެއަށްފަހު މީގެ މައްޗަށް ޗީޒް ސްލައިސްއެއް 4 ބައިކުޅަ އެއްބައި ލުމަށްފަހު ޕަނީނޯ ފިހާ އެއްޗެއްގެ ތެރެއަށްލާ ފިހެލާށެވެ.
