ރާއްޖޭގައި ތިބި ތައިލެންޑުގެ 148 މީހަކު ގައުމަށް ފުރުވާލައިފި

ރާއްޖޭގައި ތިބި ތައިލެންޑުގެ 148 މީހަކު މޯލްޑިވިއަންގެ ފްލައިޓެއްގައި އެ ގައުމަށް ފޮނުވާލައިފިއެވެ.

Ads by Sosun Fihaara

ރާއްޖޭގައި ތިބި ތައިލެންޑުގެ ރައްޔިތުންގެ ތެރެއިން ގައުމަށް ދާން ބޭނުންވި މީހުން ފޮނުވާލާފައިވަނީ ރާއްޖޭގައި ހުންނަ ތައިލެންޑުގެ ކޮންސިއުލޭޓާއި ތައިލެންޑުގައި ހުންނަ ދިވެހި އެމްބަސީއާ ގުޅިގެން ބޭއްވި ޗާޓަރު ފްލައިޓެއްގައެވެ.

މިއީ ރާއްޖޭގައި ތިބި ތައިލެންޑުގެ ރައްޔިތުން އެ ގައުމަށް ގެންދިއުމަށް ބޭއްވީ ތިން ފްލައިޓެވެ. އެގޮތުން މިދިޔަ މަހުގެ 16 ވަނަ ދުވަހު ބޭއްވި ފްލައިޓުގައި ތައިލެންޑުގެ 55 މީހަކު އެ ޤައުމަށް ގޮސްފައިވެއެވެ. އަދި މިމަހުގެ 4 ވަނަ ދުވަހު ބޭއްވި ފްލައިޓްގައި 131 މީހަކު ވަނީ ޤައުމަށް ގޮސްފައެވެ.

ރާއްޖޭގައި ހުންނަ ތައިލެންޑް ކޮންސިއުލޭޓުން ބުނީ ރާއްޖޭގައި ތިބި ތައިލޭންޑްގެ ރައްޔިތުން ގެންދިޔުމަށް އިތުރު ފްލައިޓެއް އަދި ބާއްވާނެކަމަށާއި ތައިލެންޑަށް އެނބުރިދާން ބޭނުންވާ އެގައުމުގެެ ރައްޔިތުންނަށް މިއަދުގެ ނިޔަލަށް ރެޖިސްޓްރީ ކުރުމުގެ ފުރުޞަތު އޮންނާނެ ކަމަށެވެ.