ނިއުޔޯކްގެ މަގަކުން ކާރެއް "ގަނބައިގެން އަޑިއަށް" ހިނގައްޖެ!
އެމެރިކާގެ ނިއުޔޯކް ގައި ވަރަށް އާދަޔާ ޚިލާފު ކަމެއް ހިނގައިފިއެވެ.
ނިއު ޔޯކްގެ މަގެއްމަތީގައި ރަތް ކުލައިގެ ކާރެއް ޕާކް ކޮށްފައި އޮއްވާ ފެނުނީ އެކާރު އަޑިއަށް ގަނބައިގެން ދިޔަތަނެވެ.
މަންޒަރު ދުށް މީހުން ބުނާ ގޮތުގައި ކާރު އަަޑިއަށް ދިޔައީ ކާރު ބާއްވާފައި އޮތް ދިމާލުން ކުއްލިއަކަށް "ސިންކް ހޯލް" އެއް ހުޅުވިގެންނެވެ.
މި ބިރުވެރި ހާދިސާ ހިނގިއިރު ނަސީބަކުން ކާރު ތެރޭގައި އޭގެ ޑްރައިވަރު ނެތް ކަމަށް ވެސް މަންޒަރު ދުށް މީހުން ވަނީ ބުނެފައެވެ.
"ނިއު ޔޯކް ޕޯސްޓް"ން ބުނެފައިވަނީ މިހާދިސާ ހިނގާފައިވަނީ މިދިޔަ ބުރާސްފަތި ދުވަހު ހެނދުނު ކަމަށެވެ.
މީގެއިތުރުން ބޭރުގެ ރިޕޯޓުތަކުން ބުނެފައިވަނީ އެކާރަކީ ޓެކްސީ ކުރާ މީހެއްގެ ކާރެއް ކަމަށާއި ތުރޮޕްޓެން ތޮޕްޖީ ނަމަކަށް ކިޔާ އެމީހާ އެވަގުތު އެކާރު ތެރޭގައި ނެތް ކަމަށްޓަކައި ޚުދު އޭނާ ވެސް އުފާވާ ކަމަށެވެ.
މިހާދިސާ އާއި ގުޅިގެން އެވަގުތު އެތަނަށް ފުލުހުންނާއި ފަޔަރ އެންޑް ރެސްކިޔުގެ އޮފިސަރުން ވެސް ގޮސްފައި ވެއެވެ. ނަމަވެސް އެއްވެސް މީހަކަށް މިހާދިސާގައި އަނިޔާއެއް ލިބިފައި ނުވާކަން އެމީހުން ފާހަގަ ކޮށްފައިވެއެވެ.
މިހާދިސާގައި އެއްވެސް މީހަކަށް އަނިޔާއެއް ލިބިފައިނުވި ނަމަވެސް، ތްރޮޕްޓެންގެ ކޮއްކޮ އަށް ވަނީ ހާދިސާގެ ބިރުވެރިކަމުގެ ސަބަބުން ނަފްސާނީ ގޮތުން އަސަރުތަކެއް ކޮށްފައެވެ. ރިޕޯޓު ތަކުން ބުނެފައިވާ ގޮތުގައި އެކާރު ގަނބައިގެން ދިޔައީ އޭނާގެ ކޮއްކޮގެ ގޭގެ ކުރިމަތިންނެވެ.
Ads by STO
