ޑރ. އަފްޒަލްގެ އިލްތިމާސް: ވިޔަފާރި ކުރުމަށް ބޭރަށް ދާން ކޮންމެ ގެއަކުން އެކަކު ހަމަޖެއްސަވާ!
ވިޔަފާރި ކުރުމަށް ބޭރަށް ދިއުމަށް ކޮންމެ ގެއަކުން އެކަކު ހަމަޖެއްސުމަށް ޑރ. އިބްރާހިމް އަފްޒަލް އިލްތިމާސް ކުރައްވައިފިއެވެ.
މިރޭ ބޭއްވި ނޫސްވެރިންގެ ބައްދަލުވުމުގައި ޑރ. އަފްޒަލް ވިދާޅުވީ، ކޮންމެ ގެއެއްގައި ފިހާރަތަަކަށް ދާން އެކަކު ބެހެއްޓުން އާދައަކަށް ހަދަން ޖެހޭ ކަމަށެވެ. އަދި މި ދުވަސްވަރު ވީހާވެސް ވިޔަފާރި ކުރުން މަދު ކުރުމަށް ޑރ. އަފްޒަލް ވަނީ ނަސޭހަތްތެރިވެފައެވެ.
އަދި އެ ދާފަރާތް ސައިބޯނި ލައިގެން އަތް ދޮވެ ހަދަން ވާނެ ކަމަށާއި މަދުވެގެން އަބަދު ވެސް ހަފުތާއަކަށް ވާވަރަށް އެއްޗެހި ގަނެފައި ބެހެއްޓުން ވަރަށް މުހިންމު ކަމަށް ޑރ ވިދާޅުވިއެވެ. އަދި ފިހާރައިން ގަންނަ ތަކެތީގެ މުއްދަތު ހަމަވާ ތާރީހު ބެލުމާއި، އަދި ގަންނަ ތަކެެއްޗަކީ ސާފް ކުރެވެން ހުރި އެއްވެއް ކަމުގައި ވަނީނަމަ ސާފް ކުރުމަށްވެސް ޑރ.އަފްޒަލް ވަނީ ނަސޭހަތްތެރިވެފައެވެ.
"މާނައަކީ ވިޔަފާރި ކުރަން ނޫނީ އެއްޗެހި ގަންނަން ދާން ކޮންމެވެސް އެކަކު ބެހެއްޓުން، އެހެންވީމަ އެ މިހާ އަބަދުވެެސް މި ބައްޔަށް ހުށަހެޅޭ މީހެއްގެ ގޮތުގައި.އަދި ގެއަށް ވަންނަ ކޮންމެ ފަހަރަކު ސައިބޯނި ލައިގެން ރަނގަޅަށް އަތް ދޮންނަން ޖެހޭނެ". ޑރ. އަފްޒަލް ވިދާޅުވިއެވެ.
ޑރ. އަފްޒަލް ވަނީ މި ދުވަސްވަރަކީ ވިއްސާރަ ދުވަސްވަރެއް ކަމުން، ޑެންގީ ފަދަ ބަލިތަކުން ރައްކާތެރިވުމަށް މަދިރި އާލާވާ ފަދަ ތަންތަން ނައްތާލުމަކީ ބަލިން ސަލާމަތްވުމަށް ކުރެވިގެން ދާނެ ކަމެއް ކަން ފާހަގަކޮށްފައެވެ.
