އުމަރުގެ އާދޭސް ސަރުކާރަށް: މިސްކިތްތަކުގައި ޖަމާއަތުގައި ނަމާދު ކުރުވޭ ގޮތް ހަދައިދީ!
ކޮވިޑް-19 ނެތް ރަށްރަށުގެ މިސްކިތް ތަކުގައި ޖަމާއަތް ހަދައިގެން ނަމާދު ކުރުމުގެ ހުއްދަ ދިނުމަށް ކުރީގެ ހޯމް މިނިސްޓަރު އުމަރު ނަސީރު ސަރުކާރަށް ގޮވާލައްވައިފިއެވެ.
ކޮވިޑް އާއި ގުޅިގެން ރާއްޖޭގެ މިސްކިތްތަކުގައި ޖަމާއަތުގައި ނަމާދު ކުރުން މެދުކަނޑާލުމުގެ މުއްދަތު ވަނީ މި މަހުގެ 28 ގެ ނިޔަލަށް އިތުރުކޮށްފައެވެ.
އުމަރުގެ ފޭސްބުކް ޕޭޖުގައި އާންމުކުރި ވީޑިއޯއެއްގައި ވިދާޅުވީ ކޮވިޑްގެ އަސަރު ނުކުރާ އެތައް ރަށެއް އެބައޮތް ކަމަށާއި އެ ރަށްރަށުގެ މިސްކިތްތަކުގައި އެކަކު އަނެކަކާއި ދޭތެރޭގައި ދުރުމިނެއް ބަހައްޓައިގެން ނަމާދު ކުރުމުގެ ފުރުސަތު އެ ރަށްރަށުގެ ރައްޔިތުންނަށް ލިބެންޖެހޭނެ ކަމަށް ގަބޫލުކުރައްވާ ކަމަށެވެ.
"އަޅުގަނޑު ގޮވާލަން ކޮރޯނާވައިރަހުގެ އެއްވެސް އަސަރެއް ނުކުރާ ރަށްރަށުގެ މިސްކިތްތަކުގައި ނަމާދު ކުރުމުގެ ހުއްދަ ސަރުކާރުން ދިނުމަށް" އުމަރު ވިދާޅުވިއެވެ.
މިސްކިތް ތަކުގައި ޖަމާއަތުގައި ނަމާދު ކުރުން.
ކޮރޯނާ ވައިރަސް ގެ އަސަރެއް ނެތް ރަށްރަށުގެ މިސްކިތް ތަކުގައި ޖަމާއަތް ހަދައިގެން ނަމާދު ކުރުމުގެ ހުއްދަ ދިނުމަށް ގޮވާލުން.
Posted by Umar Naseer on Sunday, May 17, 2020
ޖަމާއަތުގައި ނަމާދު ކުރުން މެދުކަނޑާލާފައިވީ ނަމަވެސް މިސްކިތުގައި ބަންގި ގޮވުމަށާއި، ބަންގީގެ ފަހުގައި ދިވެހިބަހުން "ހުރިހާ ބޭފުޅުން ގޭގައި ނަމާދު ކުރައްވާ" މިފަދައިން ދެ ފަހަރު ގޮވުމަށް އިމާމުންނަށް އިސްލާމިކް މިނިސްޓްރީން ވަނީ އަންގާފައެވެ.
