ކޮވިޑަށް ޓެސްޓު ހެދުމަށް ޓޫރިސްޓެއްގެ އަތުން 100 ޑޮލަރު ނަގަން ހުށަހަޅައިފި
ނިއު ނޯމަލްގައި ރާއްޖޭގެ ބޯޑަރު ސަލާމަތީ ކަންކަމާއި އެކު ހުޅުވާލާއިރި ކޮވިޑް-19 އަށް ޓެސްޓު ހެދުމަށް ރާއްޖެ އަންނަ ކޮންމެ ފަތުރުވެރިއެއްގެ އަތުން 100 ޑޮލަރު ނެގުމަށް ހުށަހަޅައިފިއެވެ.
ނިއު ނޯމަލްގައި ފަތުރުވެރިކަމުގެ ދާއިރާ ކުރިޔަށް ގެންދާނެ ގޮތާއި ގުޅޭ ގޮތުން ޓޫރިޒަމް މިނިސްޓްރީން އެކުލަވާލާފައިވާ "ސޭފް ޓޫރިޒަމް ޕްލޭން" ޑްރާފްޓު ރިޕޯޓުގައި ވާގޮތުން ކޮންމެ ރިސޯޓެއްގައި 10 ޕަސެންޓު އެނދު އައިސޮލޭޝަން އަށް ހާއްސަ ކުރަންޖެހެއެވެ. އަދި ކޮންމެ ރިސޯޓެއްގައި ރެޒިޑެންޓު ޑޮކްޓަރަކާއި ނަރުހެއް ތިބެން ޖެހޭ ކަމަށާއި އެކަށީގެންވާ ވަރަށް ޕީޕީއީ އަދި މުވައްޒަފުންވެސް ތިބެންވާނެ ކަމަށް އެ ޑްރާފްޓު ރިޕޯޓުގައިވެއެވެ.
މީގެއިތުރުން މުވައްޒަފުންގެ ތެރެއިން 10 ޕަސެންޓު މުވައްޒަފުން ކަރަންޓީން ކުރެވޭ ވަރަށް ކަރަންޓީން ފެސިލިޓީތައް ހުންނަން ޖެހޭނީ ތައްޔާރު ކުރެވިފައެވެ.
އެ ރިޕޯޓުގައިވާ ގޮތުގައި ރިސޯޓުތަކުގެ ހުރިހާ މުވައްޒަފުން ޑިސްއިންފެކްޝަން ސޯޝަލް ޑިސްޓޭންސިން އަށް ތަމްރީން ކުރެވެން ޖެހެއެވެ.
ނިއު ނޯމަލްގައި ކޮވިޑަށް ޝައްކު ކުރެވޭ މީހުންނާއި މެދު އަމަލު ކުރަންވީ ގޮތުގެ އިމަޖެންސީ ޕޮރިސީޖާތައް ހެދި ހުރިހާ މުވައްޒަފުން އެކަމަށް ތަމްރީން ކުރެވެން ޖެހޭނެ ކަމަށް ރިޕޯޓުގައި ވެއެވެ.
މީގެއިތުރުން ރިސޯޓުގެ ހުރިހާ މުވައްޒަފުން ވެސް ކޮވިޑަށް ޓެސްޓު ކުރެވި، ސޭފް ޓޫރިޒަމްގައި މުވައްޒަފުންނަށް ރިސޯޓުތަކުން ފޭބޭނީ ބައްޔަށް ސްކްރީން ކުރުމަށް ފަހުއެވެ.
އިތުރު ތަފްސީލު އަންނަނީ...
