ހުއްދު ނުހޯދާ ފެރިދޫއިން ފުރި ދެ މީހަކު ހައްޔަރު ކޮށްފި

އއ.ފެރިދޫ ކައުންސިލް އިދާރާ އަދި ޓާސްކް ފޯހުގެ ހުއްދަ ނެތި އެ ރަށުން ފުރި ދެ މީހަކު ހައްޔަރު ކޮށްފިއެވެ.

Ads by MWSC

ފުލުހުން ބުނީ މި ދެ މީހުން ހައްޔަރު ކޮށްފައި ވަނީ ރާއްޖޭގައި ކޮވިޑް-19 ފެތުރުން ކޮންޓްރޯލްކޮށް، އާންމު ރައްޔިތުންގެ ޞިއްހަތާއި ރައްކައުތެރިކަމަށްޓަކައި ރާއްޖޭގެ ހުރިހާ ރަށެއްގައި ޚާއްސަ ފިޔަވަޅުތައް އެޅުމަށް ހެލްތް ޕްރޮޓެކްޝަން އެޖެންސީން އަންގާފައިވަނިކޮށް، އެ އެންގުމާއި ޚިލާފުވުމުން ކަމަށެވެ.

މި ދެ މީހުން ހައްޔަރު ކޮށްފައި ވަނީ އިއްޔެރޭގެ ވަގުތެއްގައި ދޯންޏެއްގައި ފުރައިގެން ދާން އުޅުމުން ކޯޓު އަމުރެއްގެ ދަށުން މިއަދުގެ ވަގުތެއްގައި ކަމަށް ފުލުހުން ބުނެއެވެ.

ހައްޔަރު ކޮށްފައި ވަނީ އުމުރުން 37 އަހަރާއި 20 އަހަރުގެ ދެ ދިވެހި ފިރިހެނުން ކަމަށް ވެސް ފުލުހުން ބުނެއެވެ.

މި މައްސަލަ ފުލުހުން ދަނީ ތަހުގީގު ކުރަމުންނެވެ.