ސިއްހީ މަސައްކަތްތެރިންގެ އުޖޫރު ކުޑަ ނުކޮށް އިތުރު އެލެވެންސްތައް ހަމަޖައްސަވާ: ޣައްސާން

ސިއްހީ މަސައްކަތްތެރިންގެ އުޖޫރު ކުޑަ ނުކޮށް އިތުރު އެލެވެންސްތައް ހަމަޖެއްސެވުމަށް ތ.ގުރައިދޫ ދާއިރާގެ މެމްބަރު އަދި ޕީޕީއެމްގެ ނައިބު ރައީސް މުހައްމަދު ޣައްސާން މައުމޫން ގޮވާލައްވައިފިއެވެ.

Ads by MWSC

މިިދިޔަ އާދިއްތަ ދުވަހު ފިނޭންސް މިނިސްޓްރީން ނެރުނު މުސާރައިގެ އާ އުސޫލާ އެކު، ސިއްހީ ހިދުމަތްތެރިންނަށް ގެއަށް ގެންދަން ލިބޭ ވަރު މަދުވެގެންދާނެ ކަމަށް ބުނެ ކޮވިޑް19ގެ ކަންކަމުގައި އެންމެ ބުރަކޮށް މަސައްކަތް ކުރައްވާ ޞިއްޙީ ޚިދުމަތްތެރީން އަންނަނީ މީސް މީޑިއާގައި އެކަމާ ހިތްހަމަ ނުޖެހުން ފާޅު ކުރަމުންނެވެ.

މިކަމާ ގުޅިގެން ޣައްސާން ވިދާޅުވީ ޞިއްޙީ ޚިދުމަތްތެރިންނާއި އިސް ސަފުގައި މަސައްކަތްކުރާ މަސައްކަތްތެރިންނަށް ހަމައެކަނި ތަޢުރީފު ކުރުމަކުން ނުފުދޭކަމަށާއި ފަރާތްތަކުގެ މަސައްކަތް އަގު ނުކުރެވޭހާ މުހިންމު ކަމަށެވެ.

ޣައްސާން މިގޮތަށް ގޮވާލައްވާފައި ވާއިރު، އެމަނިކުފާނު ހިމެނިވަޑައިގަންނަވާ ޕާޓީ، ޕީޕީއެމް/ޕީއެންސީ ކޯލިޝަނުން ވެސް ވަނީ ސިއްހީ ހިދުމަތްތެރިންގެ މަސައްކަތުގެ ގަޑިއަށް ބަދަލުގެނެސް އާމްދަނީން ބައެއް އުނިވާގޮތަށް ހަދާފައިވާކަމަށް ބުނެ ކަންބޮޑުވުމުން ފާޅުކޮށްފައެވެ.

އެ ކޯލިޝަނުން ނެރުނު ބަޔާނުގައި ބުނެފައި ވަނީ އާންމު އުސޫލުގެ މަތިން ރޯދަ މަހު ސަރުކާރުގެ މުވައްޒަފުންގެ ރަސްމީ ގަޑިއަކީ ހަތަރު ގަޑިއިރު ކަމަށާއި ހަތަރު ގަޑިއިރުގެ އިތުރުން މަސައްކަތް ކުރަންޖެހިއްޖެ ނަމަ އޮންނަ އުސޫލުގެ މަތިން އިތުރުގަޑީގެ ފައިސާ ހައްގުވާނެކަމަށެވެ.