ރާއްޖޭން ބޭރުގައި ތިބި ދިވެހިންނަށް އޮންލައިންކޮށް ޕާސްޕޯޓް އާކުރެވޭނެ އިންތިޒާމް ހަމަޖައްސައިފި

ކޮވިޑާ ގުޅިގެން ރާއްޖެއިން ބޭރުގައި ތިބެގެން ޕާސްޕޯޓް އާކުރަން ބޭނުންވާ ފާރާތްތަކަށް އޮންލައިންކޮށް އެކަން ކުރެވޭނެ އިންތިޒާމް ހަމަޖައްސައި ދީފިއެވެ.

Ads by STELCO

އިމިގްރޭޝަނުން ބުނީ، ރާއްޖެއިން ބޭރުގައި ތިބި ފަރާތްތަކުގެ ތެރެއިން ޕާސްޕޯޓް އާކުރަން އެދޭ ފަރާތްތައް އެ ޕްލިކޭޝަން ފޯމް ހުށަހަޅާނީ އީމެއިލް މެދުވެރިކޮށް [email protected] އަށެވެ. އަދި މި އީމެއިލްއަށް އެޕްލިކޭޝަން ފޯމް ހުށަހެޅުމުން ފައިސާ ދައްކަންޖެހޭ ލިންކް އެ ފަރާތަކަށް އީމެއިލް މެދުވެރިކޮށް ފޮނުވާނެ ކަމަށް އިމިގްރޭޝަނުން ބުނެއެވެ.

ފައިސާ އޮންލައިންކޮށް ދެއްކޭނެ ގޮތަށް މިހާރު ހަމަޖެހިފައިވާއިރު، އީމެއިލުން ފޮނުވާ ލިންކް މެދުވެރިކޮށް ފައިސާ ދައްކާތާ 24 ގަޑިއިރު ތެރޭގައި ޕާސްޕޯޓް ނެގުމަށް ހަމަޖެހިފައިވާ ގޮތުގެ މައުލޫމާތު ހިއްސާކުރެވޭނެ ކަމަށް ވެސް އިމިގްރޭޝަނުން ބުނެއެވެ.