މޫސަ އެމްޑީޕީން ވަކިކުރަން ނިންމީ ސުޕްރީމް ކޯޓުގެ ފަނޑިޔާރުން މަދު ކުރަން ރައްޔިތުންގެ މަޖިލީހުގައި ނެގި ވޯޓުގައި އެ ޕާޓީގެ ތުރީ ލައިން ވިޕާ ޚިލާފުވެ ވަޑައިގަތް މައްސަލައިގަ އެވެ.
އެމްޑީޕީގެ ފިކުރާއި އުސޫލުތަކާ ހިލާފުވެގެން ޕާޓީން ބޭރުކުރަނީ ވަކިބައެއް ބާވައޭ ހިތަށް އަރާ: މޫސަ
އެމްޑީޕީގެ ކުރީގެ ޗެއާޕާސަން އަދި ނިމިދިޔަ ދައުރުގެ މަޖިލީހުގެ ނައިބް ރައީސް މޫސާ މަނިކު އެމްޑީޕީއަށް ވަރަށް ބޮޑަށް ފާޑުވިދާޅު ވެއްޖެއެވެ.
Ads by STELCO
މޫސަ މިއަދު ކުރެއްވި ޓްވީޓުތަކެއްގައި ވިދާޅުވީ 2008 ގައި އެމްޑީޕީއާ ވެރިކަން ހަވާލުކުރީ ޖަލުތަކުގާ މަރާފައިވާ މީހުންނާއި އަނިޔާގެ މައްސަަލަތަކާ އެފްޕީއައިޑީ އެއަރމޯލްޑިވްސް ފަދަ ޚިޔާނާތުގެ މައްސަލަބަލާނެ ކަމަށް ވަޢުދުވުމުން ކަމަށެވެ.
"ވެރިކަން ދިނީމަ އެކަންކުރިތަ؟ ދުލުގަހިފާ ނުދަމާ. މިއަދުގެ ޖަޒްބާތަކީ ވެރިކަމުގެ އަރައިރުން ގޭތެރޭގެ ގަދަހިފުން." މޫސަ ވިދާޅުވިއެވެ.
މޫސަ ވިދާޅުވީ އެމްޑީޕީ މެމްބަރުންނަށް މިއަދު އެގެންވީ ޙަޤީގަތަކީ އެތެރޭގެ ބަޣާވާތަކުން ވެރިކަން ވެއްޓުނަ ނުދޭނުދީ ޑީއާރުޕީއަށް ވީހެން އެމްޑީޕީ އަށް ވިޔަނުދޭން ކަމަށެވެ.
އެމްޑީޕީގެފިކުރާ ޕާޓީ ގަބޫލުކުރާއުސޫލުތަކާޚިލާފުވެގެން ފިޔަވަޅުއަޅާޕާޓީން ބޭރުކުރަނީ ވަކިބައެއްބާވައޭ ހިތަށްއަރާ
ޑިމޮކްރަސީގެހަތަރު އަނގައޮޅި— Reekomoosa (@ReekoMoosa) May 22, 2020
އެމްޑީޕީގެ ކުރީގެ ޗެއާޕާސަން މޫސަ އާއި އެ ޕާޓީގެ އިސްވެރިންނާ ދެމެދު އުފެދުނު ޚިޔާލު ތަފާތުވުންތަކުގައި އެތައް ދުވަހަކު އުޅުއްވުމަށް ފަހު، އެމްޑީޕީގެ ދަފްތަރުން އޭނާގެ ނަން އުނިކުރީ ނޮވެމްބަރު 28، 2016 ގަ އެވެ.
Ads by STO
