އިންޑިއާ އަކީ މުސްލިމުންނާ ދެކޮޅު ގައުމެއް ނޫން: ރާއްޖެ
އިންޑިއާ އަކީ މުސްލިމުންނާ ދެކޮޅު ގައުމެއްގެ ގޮތުގައި ސިފަކުރުމަކީ ގޯހެއް ކަމަށް ރާއްޖެއިން ބުނެފިއެވެ.
ރާއްޖެއިން އިންޑިއާ ދިފާއުކޮށްފައިމިވަނީ އޯގަނައިޒޭޝަން އޮފް އިސްލާމިކް ކައުންސިލް (އޯއައިސީ) ގެ އޮންލައިން ބައްދަލުވުމެއްގައި މުސްލިމުންނާއި ދެކޮޅަށް އިންޑިއާ އިން މަސައްކަތްތަކެއް ކުރާ ކަމަށް އ.ދ އަށް ކަނޑައަޅުއްވާފައި ހުންނަވާ ޕާކިސްތާނުގެ ސަފީރު މުނީރު އަކްރަމް ވިދާޅުވުމާ ގުޅިގެންނެވެ.
އިންޑިޔާގެ މީޑިޔާގެ މީޑިއާތަކުން ރިޕޯޓުކޮށްފައިވާ ގޮތުގައި މުސްލިމުންނާމެދު އަނިޔާވެރިވެ ނަފުރަތު އުފެއްދުމުގެ ޢަމަލުތައް ހިންގާ ކަމުގެ ތުހުމަތު އިންޑިޔާއާ ދެކޮޅަށް އުފުލުމުން ރާއްޖެއިން އިންޑިޔާ ދިފާޢުކޮށް ވާހަކަދައްކާފައިވާ ކަމުގައެވެ.
އަދި ސޯޝަލް މީޑިއާގައި ދެކެވޭ ވާހަކަތަކެއްގެ މައްޗަށް ބިނާކޮށް އިންޑިއާގެ އެންމެންގެ ވިސްނުން އެގޮތަށް ހުންނާނެ ކަމަށް ދެކުމަކީ ގޯހެއް ކަމަށް ރާއްޖެއިން ބުނެފައިވާ ކަމަށްވެސް އިންޑިއާގެ މީޑިއާތަކުން ރިޕޯޓުކޮށްފައިވެއެވެ.
އިންޑިޔާގެ ދިފާޢުގައި ދިވެހިރާއްޖެއިން ބުނެފައިވަނީ އިންޑިޔާއަކީ ދުނިޔޭގެ އެންމެ ބޮޑު ޑިމޮކްރަސީ ކަމަށާއި އެޤައުމުގައި 200 މިލިއަން މުސްލިމުން ދިރިއުޅޭއިރު އެޤައުމާމެދު އިސްލާމްދީނަށް ނަފުރަތުކުރުމުގެ ތުހުމަތުކުރުމަކީ ޙަޤީޤަތާ ޚިލާފު ވާހަކައެއް ކަމުގައެވެ. އަދި އިންޑިޔާއާމެދު އެފަދަ ވާހަކައެއް ދެއްކުމަކީ ދެކުނު އޭޝިޔާ ސަރަހައްދުގައި އޮތް ދީނީ ހަމަޖެހުން ނަގައިލެވޭނެ ކަމެއް ކަމުގައިވެސް ދިވެހިރާއްޖެއިން ބުނި ކަމަށް ބުނެފައިވެއެވެ.
