ބިރުވެރިކަން އަދިވެސް އެބައޮތް! މިއަދު ވެސް އިތުރު 58 މީހުން ފައްސިވެއްޖެ

ރާއްޖެއިން އިތުރު 58 މީހުން ކޮވިޑް19 އަށް ފައްސިވެއްޖެއެވެ.

Ads by STELCO

އެޗްޕީއޭ އިން ދާދި ދެންމެއަކު ކުރި ޓްވީޓެއްގައި ބުނެފައިވަނީ މިއަދު އިރުއޮއްސި 7 ޖެހުމާއި ހަމައަށް އިތުރު 58 މީހަކު ފައްސިވެފައިވާ ކަމަށާއި، މީގެ ތެރޭގައި ހިމެނެނީ 18 ދިވެހިންނާއި، 39 ބަންގްލަދޭޝް މީހުންނާއި، އިންޑިއާ މީހެކެވެ.

އެއާއެކު ރާއްޖެއިން ފައްސިވި މީހުންގެ އަދަދު ވަނީ ޖުމްލަ 1274 އަށް އަރާފައެވެ.

ރާއްޖެއިން މިހާތަނަށް އެންމެ ގިނައިން ފައްސިވެފަވަނީ ބަންގްލަދޭޝްގެ މީހުންނެވެ. މިއަދު ޕޮޒިޓިވްވި މީހުންނާއި އެކު ރާއްޖެއިން ފައްސިވި ބަންގްލަދޭޝް މީހުންގެ އަދަދު މިވަނީ 661 އަށް އަރާފައެވެ. މި ބަލި ޖެހުނު ދިވެހިންގެ އަދަދު ވަނީ 452 އަށް އިތުރުވެފައެވެ.

ކޮވިޑް-19 ގައި ރާއްޖެއިން މިހާތަނަށް 4 މީހަކު ނިޔާވެފައިވާ އިރު ބަލި ޖެހުނު 98 އަށް އަރާފައެވެ.