އެހެންކަމުން، ކައުންސިލުގެ މާލިއްޔަތުން ހަރަދުކުރަންވާނީ ދައުލަތުގެ މާލިއްޔަތު ގަވާއިދުގައި ކަނޑައަޅާފައިވާ ގޮތުގެމަތިން ކަމަށާއި، މިނިސްޓްރީ އޮފް ފިނޭންސްއިން އާންމުކޮށްފައިވާ "ކައުންސިލްތަކަށް ދޭ ހިލޭ އެހީ ކަނޑައެޅުމާއި، ކައުންސިލްތަކުގެ ބަޖެޓް ތައްޔާރުކުރުމާއި، ބަޖެޓު ތަންފީޒުކުރުމުގައި އަމަލުކުރާނެގޮތުގެ އުސޫލު" ގައި ބަޔާންކޮށްފައިވާ ގޮތަށް ނޫން ގޮތްގޮތަށް ކައުންސިލްތަކުން ސަބްސިޑީއާއި، "އިންކައިންޑް" ގެ ގޮތުގައި އެއްވެސް ފަރާތަކަށް އެއްވެސް އެހީއެއް ދިނުމަށް، ކަމާއި ގުޅޭ ގާނޫނުތަކާއި ގަވައިދުތައް ތަންނުދޭކަމަށް ހުރިހާ ކައުންސިލްތަކަށް ހަނދާންކޮށްދޭ ކަމަށް އެޑްވައިޒަރީގައި ބުނެފައިވެ އެވެ.
ކައުންސިލްތަކުން އާންމުންނަށް ހިލޭ އެހީ ނުދޭން ފިނޭންސުން އަންގައިފި
ކައުންސިލްތަކުގެ ބަޖެޓުން ހިލޭ އެހީ ދެމުންގެންދަނީ ގާނޫނާ ހިލާފަށް ކަމަށާ، އެ ފަދަ ކަންކަން ނުކުރަން ދައުލަތުގެ އިންޓާނަލް އޮޑިޓް ކޮމިޓީ އިން ލަފާދީފި އެވެ.
Ads by MWSC
ފިނޭންސް މިނިސްޓްރީގެ ދަށުގައި އޮންނަ ދައުލަތުގެ އިންޓާނަލް އޮޑިޓް ކޮމެޓީއިން ނެރުނު އެޑްވައިޒަރީއެއްގައި ބުނެފައިވަނީ އެކި ކަންކަމާ ގުޅިގެން ލޯކަލް ކައުންސިލްތަކަށް ލިބެންޖެހޭ ފައިސާ މާފުކުރުމާއި، ސަބްސިޑީ ދިނުމާއި، ހާއްސަ އެހީ ދިނުމާއި، އަމިއްލަ ފަރުދުންނަށް އެކި ބާވަތްބާވަތުގެ އެހީތައް ކައުންސިލްގެ މާލިއްޔަތުން ދޭ ކަމުގެ ޝަކުވާ އެ ކޮމެޓީއަށް ލިބެމުންދާ ކަމަށެވެ.
ފިނޭންސް މިނިސްޓްރީން ބުނީ މި ފަދަ އެހީއެއް ދެވޭނީ، ދައުލަތުގެ މާލިއްޔަތުގެ ގަވާއިދުގައި ބަޔާންކޮށްފައިވާ ހާލަތްތަކުގެ ތެރެއިން ހާލަތެއް މެދުވެރިވެއްޖެނަމަ، އެ ދާއިރާއެއްގެ އެންމެ މަތީ ވެރިއެއްގެ ހުއްދައާއެކު މާލީ ޒިންމާދާރުވެރިޔާ ފިނޭންސް މިނިސްޓްރީ އަށް ހުށަހަޅައިގެން ކަމަށެވެ. އަދި އެހީގެ ފައިސާ ދޫކުރެވޭނީ އެ އަހަރުގެ ބަޖެޓުގައި އެ ފަދަ ކަންކަމަށް ހަރަދު ކުރުމަށް ފައިސާ ކަނޑައަޅާފައި އޮވެގެން ނޫނީ ނުވަތަ އެ މިނިސްޓްރީ އަށް ހުށަހަޅައި އެ އޮފީހެއްގެ ބަޖެޓަށް ފައިސާ ލިބިގެން ކަމަށެވެ.
އެހީގެ ފައިސާ ދޫކުރެވޭނީ އެ އަހަރުގެ ބަޖެޓުގައި އެފަދަ ކަންކަމަށް ހަރަދުކުރުމަށް ފައިސާ ކަނޑައެޅިފައި އޮވެގެން ބުވަތަ ނުވަތަ އެކަމެއް ފިނޭންސް މިނިސްޓްރީ އަށް ހުށަހަޅައިގެން އެ އޮފީހެއްގެ ބަޖެޓަށް ފައިސާ ލިބިގެން ކަމަށްވެސް ބުނެފައިވެ އެވެ.
އެ މިނިސްޓްރީން ބުނީ "ކައުންސިލްތަކަށް ދޭ ހިލޭ އެހީ ކަނޑައެޅުމާއި، ކައުންސިލްތަކުގެ ބަޖެޓް ތައްޔާރުކުރުމާއި، ބަޖެޓު ތަންފީޒުކުރުމުގައި ޢަމަލުކުރާނެގޮތުގެ އުސޫލު" ގައިވާ ގޮތުން ހިދުމަތުގެ އަގު ހެޔޮކުރުމުގެ ގޮތުން އެހީއެއް ނުވަތަ ސަބްސިޑީއެއް ކައުންސިލް ތަކުންއެއް ވެސް ފަރާތަކަށް ފޯރުކޮށްދީގެން ނުވާނެ ކަމަށެވެ. އަދި ކައުންސިލް ތަކުން ފައިސާ އިން ޖަމިއްޔާތަކާއި ކޯޕަރޭޓިބް ސޮސައިޓީ ތަކަށާއި އެނޫން އެހެން ފަރާތްތަކަށް އެހީތެރިކަން ފޯރުކޮށް ނުދެވޭނެ ކަމަށް ބުނެފައިވެ އެވެ.
ކައުންސިލްތަކުން ފައިސާ އާއި، "އިން ކައިންޑް" އެހީ ފޯރުކޮށްދެވޭނީ، ޖަމާއަތުގެ ފައިދާއަށްޓަކައި ވަކި ކަމަކަށް ހާއްސަކުރެވިގެން، ރަށުގެ ތަރައްގީއަށް އެކަމުން މަންފާކުރާ ޕްރޮގްރާމްތައް ހިންގާ ހިލޭ ސާބަހަށް މަސައްކަތްކުރާ ޖަމްއިއްޔާތަކަށާއި، ކައުންސިލުގެ އިދާރީ ދާއިރާގައި ހަރަކާތްތެރިވާ ކޯޕަރޭޓިވް ސޮސައިޓީތަކަށް ކަމަށާއި، އެނޫން އެހެން ފަރާތްތަކަށް އިންކައިންޑް އެހީތެރިކަން ކައުންސިލްތަކަށް ފޯރުކޮށް ނުދެވޭނެ ކަމަށް އެ އުސޫލުގައި ބުނެފައިވާނެ ކަމަށް އެޑްވައިޒަރީގައި ބުނެފައިވެ އެވެ.
Ads by HDC
