އިތުރު 39 މީހުން ފައްސިވެ، ފައްސިވި މީހުންގެ އަދަދު ޖުމްލަ 1313 އަށް

އިތުރު 39 މީހުން ފައްސިވެ، ފައްސިވި މީހުންގެ އަދަދު ޖުމްލަ 1313 އަށް އަރައިފިއެވެ.

Ads by STELCO

އެޗްޕީއޭ އިން ދާދި ދެންމެއަކު ކުރި ޓްވީޓެއްގައި ބުނެފައިވަނީ މިރޭ 09:30 އާ ހަަމައަށް ރާއްޖެއިން އިތުރު 39 މީހަކު ކޮވިޑް19 އަށް ފައްސިވެފައިވާކަމަށެވެ. މީގެ ތެރޭގައި ހިމެނެނީ 16 ދިވެހިންނާއި 15 ބަންގްލަދޭޝް މީހުނާއި އިންޑިއާ 7 މީހެއްގެ އިތުރުން ސްރީލަންކާ މީހެކެވެ.

ރާއްޖެއިން މިހާތަނަށް އެންމެ ގިނައިން ފައްސިވެފައިވަނީ ބިދޭސީންނެވެ. އޭގެ ތެރޭގައި ވެސް ބަންގްލަދޭޝް މީހުންގެ އަދަދު ގިނަ ކަން ފާހަގަކޮށްލަން ޖެހެއެވެ.

ރާއްޖެއިން ކޮވިޑް-19 ގައި ހަތަރު މީހަކު މިހާތަނަށް ނިޔާވެފައިވެއެވެ. އޭގެ ތެރޭގައި ހިމެނެނީ 80 އަހަރުން މަތީގެ ތިން ދިވެހިންނާއި 33 އަހަރުގެ ބަންގްލަދޭޝް ރައްޔިތެކެވެ.