ﷲއަށް ހަމްދު ހުރި، ބަލިން ޝިފާ ލިބުނު މީހުންގެ އަދަދު 127 އަށް

ކޮވިޑަށް ފައްސިވި މީހުންގެ ތެރެއިން އެ ބަލިން ޝިފާ ލިބުނު މީހުންގެ އަދަދު 127 އަށް އަރައިފިއެވެ.

Ads by STELCO

މިރޭ ބޭއްވި ނޫސްވެރިންގެ ބައްދަލުވުމުގައި ކޮވިޑް-19ގެ ތަރުޖަމާނު މަބްރޫކް އަޒީޒް ވިދާޅުވީ މިއަދު އިތުރު 18 މީހަކު ބަލިން ރަނގަޅު ވެގެން ދޫކޮށްލާފައިވާ ކަމަށެވެ.

މި ބަލިން ރަނގަޅުވި މީހުންގެ ޖުމްލަ އަދަދު މިހާރު ވަނީ 127 އަށް އަރާފައެވެ. ބަލިން ރަނގަޅުވި ގިނަ މީހުންގެ ތެރޭގައި ހިމެނެނީ ދިވެހިންނެވެ.

ރާއްޖެއިން މި ބަލި ޖެހުނު މީހުންގެ ޢަދަދު މިހާރު ވަނީ 1313 އަށް އަރާފައެވެ. 127 މީހަކު ބަލިން ރަނގަޅުވެފައިވާއިރު، 11 މީހަކަށް އަންނަނީ ހޮސްޕިޓަލުގައި ފަރުވާ ދެމުންނެވެ. އަދި ހަތަރު މީހަކު ވަނީ މަރުވެފައެވެ. މަރުވެފައިވާ މީހުންގެ ތެރޭގައި ހިމެނެނީ ތިން ދިވެހިންނާއި ބިދޭސީ އެކެވެ.