އަލްޙަމްދުލިﷲ! ބަލިން ޝިފާ ލިބުނު މީހުންގެ އަދަދު 128 އަށް
ރާއްޖެއިން ކޮވިޑް19 ޖެހުނު މީހުންގެ ތެރެއިން އިތުރު މީހަކު ބަލިން ރަނގަޅުވެ، ބަލިން ރަނގަޅުވި މީހުންގެ ޖުމްލަ އަދަދު 128 އަށް އަރައިފިއެވެ.
ހެލްތު މިނިސްޓްރީ ގެ ޑޭޝްބޯޑްގައި އާންމުކޮށްފައިވާ އެންމެ ފަހުގެ ތަފާސްހިސާބުތަކަށް ބަލާއިރު، ކޮވިޑް-19 އަށް ފައްސިވި މީހުންގެ ތެރެއިން ރާއްޖެއިން މި ބަލިން ރަނގަޅުވި މީހުންގެ އަދަދު މިހާރު ވަނީ 128 އަށް އަރާފައެވެ.
ކޮވިޑް19 އިން ޝިފާ ލިބެމުން އަންނަ މީހުން ގިނަ ވަމުން އަންނައިރު އިއްޔެވެސް ވަނީ 18 މީހަކު ބަލިން ރަނގަޅުވެފައިވާކަން ހާމަަކޮށްފައެވެ.
ބަލިން ރަނގަޅުވި ގިނަ މީހުންގެ ތެރޭގައި ހިމެނެނީ ދިވެހިންނެވެ.
ރާއްޖެއިން މި ބަލި ޖެހުނު މީހުންގެ ޢަދަދު މިހާރު ވަނީ 1313 އަށް އަރާފައެވެ. 127 މީހަކު ބަލިން ރަނގަޅުވެފައިވާއިރު، 11 މީހަކަށް އަންނަނީ ހޮސްޕިޓަލުގައި ފަރުވާ ދެމުންނެވެ. އަދި ހަތަރު މީހަކު ވަނީ މި ބަލީގައި ނިޔާވެފައެވެ. ނިޔާވެފައިވާ މީހުންގެ ތެރޭގައި ހިމެނެނީ ތިން ދިވެހިންނާއި ބިދޭސީ އެކެވެ.
