ރައީސް މަޢުމޫންގެ ޢީދު ތަޙްނިޔާ: އުފަލާ ދަތީގައި އެންމެން އެކުގައި ތިބުން މުހިންމު
ރޯދައިގެ މަތިވެރި އަޅުކަމުން ލިބުނު ސާބިތު ކަމާއެކު ، އުފަލާއި ދަތީގައި އެންމެން އެކީގައި ތިބުން ވަރަށް މުހިންމު ކަމަށް ކުރީގެ ރައީސް މަޢުމޫން އަބްދުލް ޤައްޔޫމް ވިދާޅުވެއްޖެއެވެ.
މަޢުމޫން މިހެން ވިދާޅުވެފައިވަނީ ޢީދުގެ ތަޙްނިޔާ ކިޔުމަށް މިއަދު ކުރެއްވި ޓްވީޓެއްގައެވެ. މި ޓްވީޓްގައި މަޢުމޫން އިތުރަށް ވިދާޅުވީ، ބަރަކާތްތެރި ފިޠުރު ޢީދުގެ ތަހުނިޔާ ލޮބުވެތި ދިވެހި ރައްޔިތުންނަށް ދަންނަވާ ކަމަށެވެ.
ބަރަކާތްތެރި ފިޠުރު ޢީދުގެ ތަހުނިޔާ ލޮބުވެތި ދިވެހި ރައްޔިތުންނަށް ދަންނަވަން. ރޯދައިގެ މަތިވެރި އަޅުކަމުން ލިބުނު ސާބިތު ކަމާއެކު ، އުފަލާއި ދަތީގައި އެންމެން އެކީގައި ތިބުން ވަރަށް މުހިންމު.
— Maumoon Abdul Gayoom (@maumoonagayoom) May 23, 2020
މީގެ އިތުރުން ރައީސް މަޢުމޫންވަނީ އަރަބި ބަހުންވެސް ޢީދު މުބާރަކް ވިދާޅުވެ، ޓްވީޓް ކުރައްވާފައެވެ.
يسعدنى أن أبعث بأصدق التهانى للمسلمين وللمسلمات فى كل مكان بحلول عيد الفطر المبارك أعاده الله علينا وعليهم باليمن والبركات . وكل عام وأنتم بخير .
— Maumoon Abdul Gayoom (@maumoonagayoom) May 23, 2020
ރައީސް މަޢުމޫންގެ އިތުރުން ގިނަ ފަރާތްތަކުން މީސްމީޑިޔާގައި ޢީދުގެ ތަޙްނިޔާދަނީ ފޮނުވަމުންނެވެ.
