ބުރުމާ ވަގަށް ނަގާ ދިވެއްސެއް ހައްޔަރުކޮށްފި

ބުރުމާ ވަގަށް ނަގަމުންދިޔަ މީހަކު ހޯދާ ފުލުހުން ހައްޔަރުކޮށްފިއެވެ.

Ads by STELCO

ފުލުހުން ވިދާޅުވީ މި މައްސަލާގައި ތުހުމަތުގައި ހައްޔަރުކޮށްފައިވަނީ 24 އަހަރުގެ ޒުވާނެއްކަމަށެވެ. މި މަހާއި މިދިޔަ މަހުގެ އެކި ދުވަސްމަތިން ރ ދުވާފަރުން ބުރުމާތަކެއް ވަގަށް ނަގާފައިވާ މައްސަލައެއް އެ އިދާރާއަށް އާޢްމު ފަރާތަކުން އިއްޔެ ހުށައަޅާފައިވާކަމަށް ފުލުހުން ވިދާޅުވެއެވެ.

މި މައްސަލަ ހުށައެޅިތާ 6 ގަޑިއިރު ތެރޭ ބުރުމާތައް ހޯދާ މައްސަލާގައި ތުހުމަތުކުރެވޭ ދިވެހި ފިރިހަނަކު ބެލުމުގެ ދަށަށް ގެނެސްފައިވާކަމަށްވެސް ފުލުހުން އިދާރާއިން ވިދާޅުވެއެވެ.

މި މައްސަލާގައި މި މިހާ ވަގަށް ނަގާފައިވަނީ ކިތައް ބުރުމާކަމެއް އަދި އެތަކެތި ވަގަށް ނަގާފައިވަނީ ކޮންތަނަކުން ކަމެއް ފުލުހުން ހާމައެއް ނުކުރެއެވެ