ﷲއަށް ހަމްދު ހުރި، ބަލިން ރަނގަޅުވި މީހުންގެ އަދަދު 144 އަށް އަރައިފި
ކޮވިޑް-19އަށް ފައްސިވި މީހުންގެ ތެރެއިން ބަލިން ރަނގަޅުވި މީހުންގެ އަދަދު 144 އަށް އަރައިފިއެވެ.
މިހާތަނަށް 1371 މީހުން ރާއްޖެއިން ފައްސިވެފައިވާއިރު، މިހަފްތާގައި ބަލިން ރަނގަޅުވާ މީހުންގެ އަދަދު އިތުރުކަން ފާހަގކުރެވެއެވެ.
ރާއްޖޭގައި ބަލިން ރަނގަޅުވާ މުއްދަތު ނިސްބަތުން ދިގުކަމަށް ޑޮކްޓަރުންވަނީ ކުރިން ވިދާޅުވެފައެވެ. ކޯވިޑް-19އިން ރަނގަޅުވިކަމަށް ޑޮކްޓަރުން ނިންމަނީ ޢަލާމާތްތައް ރަނގަޅުވެ ދެފަހަރަށް ޓެސްޓްކޮށް ނަތީޖާ ނައްސިވުމުންނެވެ.
ރާއްޖެއިން ފައްސިވި މީހުންގެ ތެރެއިން 144 މީހަކު ބަލިން ރަނގަޅުވެފައިވާއިރު، ހަތަރު މީހަކު ވަނީ ނިޔާވެފައެވެ. އަދި 12 މީހަކު ވަނީ ހޮސްޕިޓަލުގައި އެޑްމިޓްކޮށްފައެވެ.
މާލެއިން ފައްސިވާ މީހުންގެ އަދަދު އިތުރުވަމުންދާއިރު، ސަރުކާރުން މިހާރު އަންނަނީ މާލެ ސަރަހައްދުގައި އިއުލާންކޮށްފައިވާ ލޮކްޑައުނަށް ލުޔެއް ދިނުމަށް ތައްޔާރުވަމުންނެވެ.
