ކުރީގެ ރައީސް އަބްދުﷲ ޔާމީންގެ ވެރިކަމުގައި އިންޑިއާ އާއި ރާއްޖޭގެ ގުޅުން ގޯސްވެފައިވީ ނަމަވެސް ވެރިކަން ބަދަލުވުމާއެކު އެ ގުޅުން މިހާރު ވަނީ އަލުން ރަނގަޅުވެފައެވެ. އެގޮތުން ޔާމީންގެ ވެރިކަމުގައި އިންޑިއާގެ ބޮޑުވަޒީރު ނަރެންދްރަ މޯދީ ރާއްޖެ ވަޑައިގެންފައިނުވި ނަމަވެސް ވެރިކަން ބަދަލުވުމަށްފަހު މޯދީ ވަނީ ދެ ތިން ފަހަރަކު ރާއްޖެ ވަޑައިގަންނަވާފައެވެ.
ރާއްޖެއަކީ އިންޑިއާގެ "ޕަޕެޓެއް": ޕާކިސްތާނު
ރާއްޖެއަކީ އިންޑިޔާގެ "ޕަޕެޓެއް" ކަމަށް އަވައްޓެރި ޕާކިސްތާނުން ސިފަކޮށްފިއެވެ.
Ads by Sosun Fihaara
ޕާކިސްތާނުން މިގޮތަށް ބުނެފައި މިވަނީ އޮގަނައިޒޭޝަން އޮފް އިސްލާމިކް ކައުންސިލް (އޯއައިސީ) ގެ އޮންލައިން ބައްދަލުވުމުގައި މުސްލިމުންނާއި ދެކޮޅަށް އިންޑިއާ އިން މަސައްކަތްތަކެއް ކުރާ ކަމަށް އ.ދ އަށް ކަނޑައަޅުއްވާފައި ހުންނަވާ ޕާކިސްތާނުގެ ސަފީރު މުނީރު އަކްރަމް ވިދާޅުވުމާ ގުޅިގެން އިންޑިއާ ދިފާޢުކޮށް ރާއްޖެއިން ވާހަކަ ދައްކާފައިވާތީ އެކަމަށް ރައްދު ދެމުންނެވެ.
އިންޑިއާގެ މީޑިއާތަކުގައި ރިޕޯޓުކޮށްފައިވާ ގޮތުން ޕާކިސްތާނުގެ ސަފީރުގެ ވާހަކަތަކާ ގުޅިގެން ރާއްޖެއިން ވަނީ އިންޑިއާގައި 200 މިލިއަން މުސްލިމުން ދިރިއުޅޭ ކަމަށާއި އެފަދަ ތުހުމަތެއް އެގައުމާ މެދު ކުރުމަކީ ރަނގަޅު ކަމެއް ނޫން ކަމަށް ބުނެފައެވެ.
އަދި ސޯޝަލް މީޑިއާގައި ދެކެވޭ ވާހަކަތަކެއްގެ މައްޗަށް ބިނާކޮށް އިންޑިއާގެ އެންމެންގެ ވިސްނުން އެގޮތަށް ހުންނާނެ ކަމަށް ދެކުމަކީ ގޯހެއް ކަމަށް ރާއްޖެއިން ބުނެފައިވާ ކަމަށްވެސް އިންޑިއާގެ މީޑިއާތަކުން ރިޕޯޓުކޮށްފައިވެއެވެ.
މިކަމ ގުޅިގެން ޕާކިސްތާނުގެ ސަފީރު ވިދާޅުވީ ހައްދު ފަހަަނައަޅާފައިވާ އިންޑިޔާގެ ހިންދޫން އިންޑިޔާގެ ބައިމަދު މުސްލިމުންނާއި ދެކޮަޅަށް ހިންގާ އަނިޔާވެރިކަމާއި އަދި މުސްލިމުންނާއި ދެކޮޅަށް ހިންގާ އަމަލުތަކާއި ދެކޮޅަށް އަަޑުއުފުލަމުންދާ ގައުމުތަކުގެ އަޑު ރާއްޖެ ފަދަ އިންޑިޔާގެ "ޕަޕެޓަކަށް" ކަނޑުވާނުލެވޭނެ ކަމަށެވެ.
އަދި އެކަމަަށް އޯއައިސީން މަސައްކަތް ކުރުމަށް ދިވެހިރާއްޖެއިން ދެކޮޅު ހެދި ނަމަވެސް އިންޑިއާއަކީ އޯއައިސީގައި ވީޓޯ ކުރުމުގެ ބާރު އޮންނަ ގައުމެއް ނޫން ކަމަށް ވެސް ޕާކިސްތާނުގެ ސަފީރު ފާހަގަކުރެއްވިއެވެ.
އދ ގެ ސެކްރެޓަރީ ޖެނެރަލް އެންޓޯނިއޯ ގުޓެރެސް ވިދާޅުވެފައި ވަނީ މުސްލިމުންނާއި ދެކޮޅަށް ގައުމުތަކުން ހިންގާ މިފަދަ އަމަލުތައް ހުއްޓުވުމަށް މަސައްކަތް ކުރުމަކީ އޭނާގެ އެންމެ އިސްކަމެއް ދެއްވާ އެއް މަސައްކަތް ކަމަށެވެ. އަދި ޕާކިސްތާނު ސަފީރުގެ ވާހަކަތަކަށް ފުރިހަމައަށް ތާއީދު ކުރައްވާ ކަމުގައި ސެކްރެޓަރީ ޖެނެރަލް ވިދާޅުވިއެވެ.
Ads by STO
