ރާއްޖެފަދަ ޖަޒީރާ ގައުމުތަކަށް ކޮމަންވެލްތުގެ އެހީތެރިކަން ބޭނުންވޭ: ޢަލީ ވަޙީދު
ރާއްޖެފަދަ ޖަޒީރާ ގައުމުތަކަށް ކޮމަންވެލްތުގެ އެހީތެރިކަން ބޭނުންވާކަމަށް ޓޫރިޒަމް މިނިސްޓަރ ޢަލީ ވަޙީދު ވިދާޅުވެއްޖެއެވެ.
މިނިސްޓަރ މިހެން ވިދާޅުވީ ކޮމަންވެލްތުގެ "ދި އިކޮނޮމިކްސްޓް އޮފް ކޮވިޑް 19" ސެމިނަރގައި ވާހަކަދައްކަވަމުންނެވެ.
މި ސެމިނާގައި ރާއްޖޭގެ އިގްތިސާދަށާއި ފަތުރުވެރިކަމަށް މި ޕެންޑެމިކްގެ ސަބަބުން ކޮށްފައިވާ އަސަރުތަކާއި ގުޅޭގޮތުންނާއި ރާއްޖޭގެ އިގްތިސާދު އަލުން ދިރުވުމަށް ކުރެވެމުންދާ މަސައްކަތްތަކާއި ގުޅޭގޮތުން މިނިސްޓަރ ވަނީ ވާހަކަދައްކަވާފައެވެ.
ޓޫރިޒަމް މިނިސްޓަރ ވިދާޅުވީ ސުނާމީ އާއި ގްލޯބަލް ފައިނޭންޝަލް ކްރައިސިސް އަށްވުރެ ކޮވިޑް-19 އާއި ގުޅިގެން ލިބޭ ގެއްލުން ބޮޑުވާނެ ކަމަށެވެ.
ފަތުރުވެރިކަން އަލުން ފަށައިގަތުމަށް ކުރަމުންދާ މަސައްކަތުގައި ބޮޑެތި ގޮންޖެހުންތަކެއް ހުރިކަން ފާހަގަކުރައްވާފައިވާ އިރު، ކޮމަންވެލްތު ފަދަ ޖަމިއްޔާތަކުގެ އެހީއަށް މިނިސްޓަރ ވަނީ އެދިވަޑައިގެންފައެވެ. އަދި ދޭދޭ ގައުމުތަކުގެ ދޭތެރޭގައި ރައްކާތެރިކަމާއެކީގައި ދަތުރުފަތުރު ކުރެވޭނެ އުސޫލުތަކެއް އެކުލަވާލުމަށް ވެސް މިނިސްޓަރު ވަނީ ގޮވާލައްފައެވެ.
Ads by STO
