ސ. މީދޫގައި ޖިންސީ ގޯނާ ކުރި މީހާ އުމުރުން ދުވަސްވީ އިތުރު ދެ މީހަކަށް ޖިންސީ ގޯނާކުރި!

އައްޑޫގައި އުމުރުން ދުވަސްވީ މީހަކަށް ޖިންސީ ގޯނާ ކުރަން އުޅުނު ޒުވާނާ، ދުވަސްވީ އިތުރު ދެ މީހަކަށް ޖިންސީ ގޯނާކޮށްފައިވާ ކަމަށް ފުލުހުން ބުނެފިއެވެ.

Ads by Hajj Corporation

ފުލުހުން ބުނީ އެ މައްސަލަތަކާއި ގުޅިގެން ކޯޓު އަމުރެއްގެ ދަށުން ހައްޔަރު ކޮށްފައިވަނީ އުމުރުން 30 އަހަރުގެ ދިވެހި ފިރިހެނެއް ކަމަށެވެ.

އޭނާގެ މައްސަލަ އެނެމް ފުރަތަމަ ހުށަހެޅުނީ، އުމުރުން 64 އަހަރުގެ ދިވެހި އަންހެނަކު ރޭޕް ކުރަން އުޅުމުގެ ތުހުމަތުގައި އިއްޔެއެވެ.

އެ މައްސަލަ ހުށަހެޅުމާއެކު ބެލިބެލިމުން، އެ އަމަލު ހިންގި މީހާ އިއްޔެ އިތުރު ދެ މީހަކަށް ވެސް ޖިންސީ ގޯނާކޮށްފައިވާކަން އެނގިފައިވާ ކަމަށް ފުލުހުން ބުނެއެވެ. އެ ދެމީހުންނަކީ އުމުރުން 66 އަހަރުގެ އަންހެނަކާއި އުމުރުން 65 އަހަރުގެ އަންހެނެކެވެ.

މި މައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.