އާ އަހަރު ކުރަން ވިސްނާފައި އޮތީ ކޮން ކަންކަމެއް؟
2020 ވަނަ އަހަރު ވެގެން ދިޔައީ ހީވެސް ނުކުރާ ފަދަ އަހަރަކަށެވެ. ގިނަ މީހުންނަށް މި އަހަރަށް ކަނޑައެޅި އެއްވެސް "ރިސޮލިއުޝަން"އެއް ހާސިލް ނުވިއިރު، އޭގެ ޒިންމާ ނަގަން ޖެހޭނީ ކޮވިޑް-19 ކަމަށް ގަބޫލުކުރެވެއެވެ. ނަމަވެސް އާ އަހަރު ކުރަން ރޭވި ކަންކަން ކޮވިޑު ބޮލަށް ޖަހައިގެން ތިބެވޭ ކަށް ވެސް ނެތެވެ.
ގިނަ ބަޔަކު 2020 ގައި ކުރަން ރޭވި ކަން ކަމުގެ ތެރޭގައި ބަރުދަން ލުއި ކޮށް ފިޓްކޮށް ހުރުމާއި، ދުންފަތުން ދުރަށް ދިއުން ހިމެނެއެވެ. ނަމަވެސް ކޮވިޑް-19 ގެ ހައްސާސް ކަމުގެ ތެރޭގައި ގިނަ ބަޔަކަށް މިކަމެއް ވެސް ނުވިއެވެ. ނަމަވެސް މި އަހަރަކީ މިިކަންކަން ހާސިލު ކުރަން މަސައްކަތް ކުރެވިދާނެ އަހަރަކަށް ހެދިދާނެއެވެ. ލޮކްޑައުން އިތުރުވި ބަރުދަން ލުއިކޮށްލަން އަވަހަށް މަސައްކަތް ފަށާލާށެވެ.
ދެން ގިނަ ބަޔަކު އެންމެ ރޭވި ކަމަކީ ކައިވެނި ކުރުމަށެވެ. މިކަން ގިނަ ބަޔަކު ކުރިއިރު، މި ފެށުނު 2021 ވަނަ އަހަރު ކައިވެނި ކުރަން އަޒުމް ކަނޑައެޅި މީހުން މަދެއް ނޫނެވެ. 2021 ވަނަ އަހަރުގެ ހުރިހާ ދުވަހަކު ވެސް ކައިވެނި ކުރެވޭ ގޮތަށް ހަމަޖައްސާފައިވާއިރު، މިކަން ވެސް މާ އުނދަގޫ ކަމަކަަށް ނުވާނެއެވެ. ކައިވެނި ކޮށްލަން ބޭނުންވާ ފަދަ ރީތި ތާރީޚުތައް ވެސް ގިނަ އަހަރެކެވެ. ދެން ހަމައެކަނި ހޯދާލަންވީ ރަނގަޅު ވަފާތެރި ބައިވެރިއެކެވެ.
މި ނުކުތާގައި ވިސްނާލަން ޖެހޭ ވަރަށް މުހިންމު ކަމެއް އެބައޮތެވެ. މަސްތަކާއި އަހަރުތަކަކީ ރޭދުވާ ބަދަލުވާ މިސާލުން ބަދަލުވާ ދުވަސްތަކެކެވެ. ހުރިހާ ތާރީޚެއް ވެސް އަންގައިދެނީ އުމުރުން ދުވަހެއް ، މަހެއް، އަހަރެއް ވޭތުވެ މަރާ ގާތް ވަމުންދާ ކަމެވެ. ބުއްދިވެރިއަކީ ކޮންމެ ދުވަހެއް ، މަހެއް އަދި އަހަރެއްގެ ރިޒޮލިއުޝަނެއްގެ ގޮތުގައި ވެސް މަރަށް ތައްޔާރުވުން ކަނޑައަޅާ އެ ގޮތަށް ތައްޔާރުވާ މީހާއެވެ.
މިދިޔަ އަހަރަށް ކަނޑައެޅި އަޒުމްތައް ހާސިލް ނުވުމުން 2021 އަށް އެއްވެސް އަޒުމެއް ކަނޑަނާޅާ މީހުން ވެސް މަދެއް ނޫނެވެ. ނަމަވެސް ނިއު އިޔާ ރިޒޮލިއުޝަން ތަކަކީ ހިތްވަރާއެކު ކުރިމަތިލައިފިނަމަ ހާސިލް ކުރެވިދާނެ ފަދަ ކަން ކަމެވެ. އެހެންވީމާ ބުނެބަލާށެވެ. މިއަހަރު ކުރަން ވިސްނާފައި އޮތީ ކޮން ކަމެއް ހެއްޔެވެ؟
ބަރާބަރަށް ޖަންގިޔާތައް ދޮންނަން