މި މައްސަލާގައި ޖުޑިޝަރީ ކޮމިޓީގެ މުގައްރިރު އިމްތިޔާޒު ފަހުމީ(އިންތި) ވިދާޅުވީ ސަރުކާރަށް ފާޑުކިޔައިގެން މީހަކު ވަޒީފާއިން ވަކިކޮށްފި ނަމަ، ޓްރައިބިޔުނަލުން ޒިންމާ އުފުލާގޮތް ޖުޑިޝަރީ ކޮމެޓީ އިން އެކަމަށް ފާރަވެރިވާނެ ކަމަށެވެ.
ހިތަދޫ ޕޯޓުގެ މުވައްޒަފު ވަކިކުރި މައްސަލަ ބައްލަވާނެ ކަމަށް ރައީސް ވިދާޅުވި: ނިޒާރު
ރައީސް އިބްރާހީމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދަށް މީސް މީޑިއާގައި ފާޑުކިޔާފައިވާ ކަމަށް ބުނެ ވަޒީފާއިން ވަކިކުރި ހިތަދޫ ޕޯޓު ލިމިޓެޑް (އެޗްޕީއެލް) ބައްލަވާނެ ކަމުގެ ޔަގީން ކަން ރައީސް ސޯލިހް ދެއްވާފައިވާ ކަމަށް ހިތަދޫ ދެކުނު ދާއިރާގެ ކުރީގެ މެމްބަރު އަލީ ނިޒާރު އިއްޔެ ވިދާޅުވެއްޖެ އެވެ.
Ads by MWSC
ރައީސަށާއި މަޖިލީހުގެ ރައީސަށް ތަކުރާރުކޮށް ފާޑުކިޔައި އެ ދެ ބޭފުޅުންގެ އަބުރާ ބެހުނު ކަމަށް ބުނެ، އެޗްޕީއެލްގެ އެސިސްޓެން އޮޕަރޭޝަން އޮފިސަރު ވަޒީފާ އިން ވަކިކުރީ މިދިޔަ އަންގާރަ ދުވަހު އެވެ.
އެމައްސަލަ ހޫނުވެފައި ވަނިކޮށް ކުރީގެ މެމްބަރު ނިޒާރު ވަނީ ރައީސް އިބްރާހިމް މުހައްމަދު ސޯލިހަށް ގުޅުއްވައި ކަންބޮޑުވުން ފާޅުކުރައްވައިފަ އެވެ.
ނިޒާރު އޭނާގެ ފޭސްބުކްގައި ވިދާޅުވީ، ހިޔާލު ފާޅުކުރުމުގެ މިނިވަންކަމަކީ ގާނޫނު އަސާސީން ކަށަވަރު ކޮއްދޭ އަސާސީ ހައްގެއް ކަމަށެވެ. ހިޔާލު ފާޅުކޮއްގެން މީހެއްގެ ވަޒީފާއަށް ބިރުދައްކައި ވަޒީފާއިން ވަކި ކުރެވިގެން ނުވާނެ ކަމަށެވެ.
"އެޗްޕީއެލް އިން ވަކި ކޮއްފައިވާ މުވައްޒަފުގެ މައްސަލާގައި އަޅުގަޑު ރައީސް އިބްރާހިމް މުހައްމަދު ސޯލިހް އާއި މަޝްވަރާ ކޮއްފިން. އެ މައްސަލަ ބައްލަވާނެ ކަމުގެ ޔަގީންކަން ރައީސް ދެއްވި." ނިޒާރު ވިދާޅުވި އެވެ.
އެމައްސަލައާ ގުޅިގެން އެމްޕީއެލްގެ މެނޭޖިން ޑިރެކްޓަރު ޝާހިދު އަލީ ވަނީ ރައީސް ސޯލިހާއި ރައީސް ނަޝީދަށް މީސް މީޑިއާގައި ފާޑުކިޔާފައިވާ ކަމަށް ބުނެ ހިތަދޫ ޕޯޓް ލިމިޓެޑްގެ މުވައްޒަފަކު ވަޒީފާއިން ވަކިކޮށްފައިވާ ކަމަށް އަންގާ ޗިޓް ފޮނުވުނީ އިދާރީ އޮޅުމަކުން ކަމަށް ވިދާޅުވެފަ އެވެ.
އޭނާ ވިދާޅުވީ އެ މުވައްޒަފު ވަޒީފާއިން ވަކިކުރަން ފޮނުވި ފުރަަތަމަ ޗިޓްގައި ދެ ރައީސުންގެ ވާހަކަ ހިމެނިފައިވަނީ އިދާރީ އޮޅުމެއްގެ ތެރެއިން ކަމަށާއި އެކަން ފަހުން އިސްލާހުކޮށްފައިވާނެ ކަމަށެވެ. އަދި އެ މީހާ ވަޒީފާއިން ވަކިކުރީ ކޯޑް އޮފް ކޮންޑަކްޓް ޕޮލިސީއާ ހިލާފުވުމުން ކަމަށް ޝާހިދު ވިދާޅުވިއެވެ.
ޝާހިދު ވިދާޅުވީ މުވައްޒިފަކަށް ފެންނަ ހިޔާލެއް ފާޅުކޮށްގެން ވަޒީފާއިން ވަކިނުކުރާނެ ކަމަށާ އެޗްޕީއެލްއިން ވަޒީފާއިން ވަކިކުރި ޒުވާނާއާ އޭނާ ފާޅުކުރި ހިޔާލަކާއި ގުޅުމެއް ނެތް ކަމަށެވެ.
މީގެ އިތުރުން މި ސަރުކާރަށް ފާޑު ކިޔައިގެން ވަޒީފާއިން ސަސްޕެންޑް ކުރި ޕްރިންސިޕަލެއްގެ މައްްސަލަ ވެސް ވަނީ ފެންމަތިވެފަ އެވެ. އޭނާ ފޭސްބުކްގައި ކޮށްފައިވާ ޕޯސްޓެއްގައި ބުނެފައިވާ 10 އަހަރު ތައުލީމީ ދާއިރާގައި ހޭދަކުރެވުނު އިރު އެއްވެސް ކަމެއް ރަނގަޅު ކުރަން ސިވިލް ސާވިސްގެ އޮނިގަނޑުގެ ތެރެއިން އަންގާފައި ނުވާ ކަމަށާއި ނަމަވެސް އެޑިއުކޭޝަން މިނިސްޓްރީގެ ޕީއެސްގެ "ފައިންޕުޅު" ދެކިލަން ގެންގޮސް ސަސްޕެންޑު ކުރީ ކަމަށެވެ.
އެކަން ކުރީ އެއްވެސް އޮއްޓަރެއް ނުހިމެނޭ ވާހަކަތަކެއް ލިޔެގެން، ޕާޓީ ކުދިން ލައްވާ ހުށަހަޅައިގެން ކަމަށެވެ. އަދި އޭގައި ހުރި ކަންކަމުގެ ތެދު ދޮގު ބަލައި ތަހުގީގުކޮށްލަން ދާނެ ހިތްވަރު ވެސް މިނިސްޓްރީގެ ނެތް ކަމަށް އޭނާ ބުންޏެވެ.
އޭނާ ބުނީ އެގޮތަށް އެތައް ޕްރިންސިޕަލުންނާއި ލީޑިން ޓީޗަރުންނާއި ޓީޗަރުންގެ މަގާމު ދަށްކޮށް ސަސްޕެންޑު ކޮށް މައްސޫލިއްޔަތުން ދުރުކޮށްފައިވާ ކަމަށެވެ.
Ads by STO
