އިއްޔެ ކޮވިޑަށް ފައްސިވި މީހުންގެ ތެރޭގައި 81 އަހަރުގެ ދިވެހި އަންހެނެއް!
އިއްޔެ ރާއްޖެއިން ކޮވިޑް-19 އަށް ފައްސިވި މީހުންގެ ތެރޭގައި 81 އަހަރުގެ ދިވެހި އަންހެނެއް ހިމެނޭ ކަމަށް ހެލްތު ޕްރޮޓެކްޝަން އެޖެންސީ(އެޗްޕީއޭ) އިން ހާމަކޮށްފިއެވެ.
އިއްޔެ ރާއްޖެއިން ނުވަ މީހަކު ކޮވިޑަށް ފައްސިވެފައިވާއިރު، އޭގެ ތެރޭގައި ހިމެނެނީ ހަތް ދިވެހިންނާއި ބަންގްލްދޭޝް ދެ މީހެކެވެ.
އެޗްޕީއޭގެ ޑޭޝްބޯޑުގައި އާންމު ކުރި މައުލޫމާތަށް ބަލާއިރު ފައްސިވި މީހުންގެ ތެރޭގައި ހިމެނެނީ 81 އަހަރުގެ އަންހެނެއް ހިމެނެއެވެ. އޭގެ އިތުރުން 38 އަހަރުގެ ބަންގްލަދޭޝް ފިރިހެނަކާއި 36 އަހަރުގެ ދިވެހި ފިރިހެނަކާއި 37 އަހަރުގެ ދިވެހި ފިރިހެނަކާއި 25 އަހަރުގެ ބަންގްލަދޭޝް ފިރިހެނަކާއި 32 އަހަރުގެ ދިވެހި ފިރިހެނަކާއި 53 އަހަރުގެ ދިވެހި ފިރިހެނެއް ވެސް ހިމެނެއެވެ. ފައްސިވި އެކެއްގެ އުމުރުން އަދި އެޗްޕީއޭ އިން ހާމަކޮށްފައެއް ނުވެއެވެ.
ރާއްޖޭގައި ބަލި ޖެހުނު މީހުންގެ ތެރޭގައި އެންމެ އުމުރުން ދުވަސްވީ މީހާގެ އުމުރަކީ 92 އަހަރުގެ މީހެކެވެ. އަދި ފައްސިވި މީހުންގެ ތެރެއިން އެންމެ އުމުރުން ހަގު ކުއްޖާގެ އުމުރަކީ 11 ދުވަހެވެ.
ރާއްޖެއިން ކޮވިޑް ޖެހުނު މީހުންގެ އަދަދު މިހާރު ވަނީ 1850 އަށް އަރާފައެވެ. މިބައްޔަށް ފައްސިވި މީހުންގެ ތެރެެއިން 644 މީހުން ބަލިން ރަނގަޅުވެފައި ވާއިރު ހަތް މީހަކު ވަނީ މަރުވެފައެވެ.
ފައްސިވި މީހުންގެ ތެރެއިން 13 މީހަކަށް ފަރުވާދެމުންދަނީ ހޮސްޕިޓަލުގައެވެ. އަދި ހޮސްޕިޓަލްގައި ފަރުވާދެމުންދާ މީހުންގެ ތެރެއިން އެކަކަށް ފަރުވާދެމުން ގެންދަނީ އައިސީޔޫގައި ކަމަށް ޑޮކްޓަރުން ވަނީ ބުނެފައެވެ.
