އެމްޑީޕީ އަށް އަމާޒުކޮށް އެއްޗެއް ބުނާއިރު ހަ ފަހަރު ވިސްނާލަން ވާނެ: ޝިފާޒް

އެމްޑީޕީ އަށް އަމާޒުކޮށް އެއްޗެއް ބުނާނަމަ ހަ ފަހަރު ވިސްނާލަން ވާނެ ކަމަށް އެ ޕާޓީގެ ނައިބު ރައީސް މުހައްމަދު ޝިފާޒް ވިދާޅުވެއްޖެއެވެ.

Ads by MWSC

މަޖިލީހުގެ ހެންވޭރު ހުޅަނގު ދާއިރާގެ މެންބަރު ހަސަން ލަތީފު އަދާލަތު ޕާޓީއަށާއި ހޯމް މިނިސްޓަރު އިމްރާން އަބްދުﷲ އަށް ފާޑު ވިދާޅުވެ ދެއްކެވި ވާހަކައަށް އަދާލަތުގެ ޚާރިޖީ ގުޅުންތަކާ ބެހޭ ކޮމިޓީގެ ރައީސް ޝިދާތާ ޝަރީފް ރައްދު ދެއްވުމާ ގުޅިގެންނެވެ.

އެގޮތުން ޝިފާޒް ކުރެއްވި ޓްވީޓެއްގައި ވިދާޅުވީ ކުރީގެ ރައީސް އަބްދުﷲ ޔާމީންގެ ވެރިކަން ނިމުމަކަށް ގެންނަން އެމްޑީޕީން ކުރި ބުރަ މަސައްކަތުން ހުރިހާ އެންމެންނަށް ވެސް އެނގެންވީ ހަގީގަތަކީ އެމްޑީޕީ އަށް އަމާޒުކޮށް އެއްޗެއް ބުނާއިރު ހަ ފަހަރު ވިސްނާލަން ވާނެކަން ކަމަށެވެ.

"ގައުމަށްޓަކައި އެމްޑީޕީން ކުރަމުންދާ މަސައްކަތް އެއްވެސް ބޭފުޅަކަށް އޮޅިގެން ނުވާނެ" ޝިފާޒު ވިދާޅުވިއެވެ.