ﷲ އަށް ހަމްދުހުރި، ބަލިން ރަނގަޅުވި މީހުންގެ އަދަދު 1000 އަށް ވުރެ މައްޗަށް!

ރާއްޖެއިން ކޮވިޑް-19 އަށް ފައްސިވި މީހުންގެ އިތުރު 85 މީހަކު ބަލިން ރަނގަޅުވެއްޖެއެވެ.

Ads by MWSC

މި 85 މީހުންނާއެކު ރާއްޖެއިން ބަލިން ރަނގަޅުވި މީހުންގެ އަދަދު މިހާރު ވަނީ 1010 އަށް އަރާފައެވެ. މި މީހުންގެ ތެރެއިން ގިނައިން ހިމެނެނީ ދިވެހިންނެވެ.

މިއަދު އިތުރު 25 މީހުން ފައްސިވެފައިވާއިރު، ރާއްޖެއިން މި ބަލި ޖެހުނު މީހުންގެ ޢަދަދު މިހާރު ވަނީ 1942 އަށް އަރާފައެވެ. މީގެ ތެރެއިން 10 މީހަކަށް ހޮސްޕިޓަލުގައި ފަރުވާ ދެމުން އަންނައިރު 8 މީހަކު ވަނީ ނިޔާވެފައެވެ. ނިޔާވި މީހުންގެ ތެރޭގައި ހިމެނެނީ ހަތަރު ދިވެހިންނާއި ހަތަރު ބިދޭސީ އެކެވެ.