ޑރ. މުއިއްޒު އަނެއްކާ ވެސް ފުލުހަށް ހާޒިރު ކުރަނީ
ކުރީގެ މިނިސްޓަރ އޮފް ހައުސިންގ އެންޑް އިންފްރާސްޓްރަކްޗަރ ޑރ. މުޙައްމަދު މުއިއްޒު މާދަމާ ރޭ ފުލުހަށް ހާޒިރު ކުރުމަށް ޗިޓު ފޮނުވައިފިއެވެ.
އެނގިފައިވާ ގޮތުގައި ޑރ. މުއިއްޒު މާދަމާ 20:15 ރޭ ފުލުހަށް ހާޒިރުވުމަށް ޗިޓު ފޮނުވާފައިވަނީ، ނޫމަޑި ރިސޯޓްސް އެންޑް ރެސިޑެންސް (ނޫމަޑި) އިން ދިވެހި ސަރުކާރުގެ މައްޗަށް ހުށަހެޅި އާރބިޓްރޭޝަން މައްސަލައިގައި ޑރ.މުއިއްޒުއާއި ގުޅޭ ގޮތުން ޖިނާއީ ތަޙްޤީޤެއް ހިންގަވައި ދިނުމަށް މޯލްޑިވްސް ޕޮލިސް ސަރވިސްގައި، އެޓަރނީ ޖެނެރަލް (އޭޖީ)ގެ އޮފީހުން އެދިފައިވާތީއެވެ.
މިމައްސަލައިގަ މިއަހަރުގެ ފެބްރުއަރީ މަހުގެ 22 ވަނަ ދުވަހުގެ ރޭ ވެސް ޑރ. މުއިއްޒު ފުލުހަށް ހާޒިރު ކޮށްފައެވެ.
ނޫމަޑި މައްސަލާގައި މީގެ ކުރިން ޑރ. މުއިއްޒު ވަނީ ރައްޔިތުންގެ މަޖިލީހުގެ މާލިއްޔަތު ކޮމިޓީއަށް ވެސް ހާޟިރުކޮށްފައެވެ.
މަޖިލީހުގެ މާލިއްޔަތު ކޮމިޓީއަށް ޙާޟިރުކޮށް ކުރި ސުވާލަކަށް ޖަވާބުދެމުން ޑރ.މުއިއްޒު ވިދާޅުވެފައިވަނީ އެއްވެސް ބަޔަކާ އެއްކޮޅަށްވެސް ދެކޮޅަށްވެސް އޭނާ ބަޔާން ދެއްވާފައި ނުވާނެ ކަމަށެވެ.
Ads by STO
